ބޮލީވުޑްގެ ޕާފެކްޝަނިސްޓްގެ ގޮތުގައި މަޝްހޫރު އެކްޓަރު އާމިރު ޚާންގެ ފިލްމު "ލާލް ސިންގް ޗައްޑާ" ގައި ސުޕަސްޓަރ ޝާހްރުކް ޚާންގެ ހާއްސަ ފެނިލުމެއް ހިމަނާފައި ވާކަން އެނގިގެން ދިޔައީ ފިލްމު ސިނަމާތަކުގައި ރިލީޒް ކުރި ފަހުންނެވެ.
މީގެ ކުރިން ފިލްމުތައް ޕްރޮމޯޓް ކުރާއިރުގައި އެންމެ ގަދައަށް ދައްކާ އެއްވާހަކައަކީ ބޮޑެތި ސްޓާރުން ފިލްމް ތަކުން ހާއްސަ ފެނިލުމަކުން ފެނިގެންދާ ވާހަކައެވެ. ފިލްމުގެ ޕްރޮމޯޝަންގައި އެބަޔަކީ ވަރަށް ބޮޑަށް ވާހަކަ ދެކެވޭ ބައެއްވެސް މެއެވެ.
އެގޮތުން ސަލްމާންހާންގެ ކުރިއަށް އޮތް ފިލްމް "ޓައިގާ3″ އިން ޝާހްރުކް ފެންނާނެ ކަމާއި އަދި ޝާހްރުކްގެ ކުރިއަށް އޮތް ފިލްމު "ޕަތާން" އިން ސަލްމާން ފެންނާނެ ކަން މިހާރުވެސް ވަނީ އެނގިފައެވެ. ދެ ފިލްމުގައި ވެސް ދެމީހުން ފެނިގެންދާނީ ހާއްސަ ފެނިލުމަކުންނެވެ.
ނަމަވެސް އާމިރުގެ "ލާލް ސިންގް ޗައްޑާ" ގެ ޕްރޮމޯޝަން އަދި ހަަމަ އެހެންމެ އެހެން ގޮތަކުންވެސް ފިލްމްގައި ޝާހް އުޅޭކަން ރިލީޒް ކުރުމާ ހަމައަށް އެނގިފައެއް ނުވެއެވެ. ފިލްމު ބަލަން ވަތް މީހުންނަށް މިކަން ވީ ވަރަށް ބޮޑު ސަޕްރައިޒަކަށެވެ.
އަދި އެއާއެކުގައި ފިލްމު ބަލަންދާ މީހުންގެ އަދަދު ވަނި އިތުރުވެގެން ގޮސްފައެވެ. އަދި ބެލުން ތެރިންނަށް ވަނީ ޝާހްގެ މި ހާއްސަ ފެނިލުން ވަރަށް ބޮޑަށް ކަމުގޮސްފައެވެ.
"ލާލް ސިންގ ޗައްޑާ" މިހާރު ސިނަމާތަކުގައި ދައްކަމުންދާއިރު، ފިލްމުގެ ލީޑުން އާމިރާއެކު ފެނިގެންދަނީ ކަރީނާ ކަޕޫރެއެވެ.
