ބޮލީވުޑްގެ ސުޕަސްޓަރ އާމިރު ޚާންގެ ކުރިއަށް އޮތް ފިލްމް "ލާލް ސިންގް ޗައްޑާ" މިއަދު ރިލީޒް ކުރާނެއެވެ. މި ފިލްމްގައި އާމިރާއެކު ފެނިގެންދާނީ ކަރީނާ ކަޕޫރެވެ.
ފިލްްމް ރިލީޒް ކުރުމަށް ވަގުތު ކުޑަތަން ވަމުން އަންނަ އިރުގައި ވެސް ފިލްމް އާއި ގުޅޭ ނޭނގޭ އެތަށް ވާހަކަތަކެއް އަންނަނީ ހާމަވަމުންނެވެ.
އެގޮތުން އެންމެ ފަހުގެ ހަބަރުތަށް ބުނާ ގޮތުގައި މި ފިލްމް އަށް ކަރީނާ ކުޅޭ ބައި ކުޅުމަށް އާމިރު ބޭނުންވީ ރީތީގެ ރާނީ މަނޫޝީ ޗިއްލަރު ކަމަށެވެ. އަދި އޭނާ އަށް ފިލްމް ހުށައެޅި ކަމަށާއި ނަމަވެސް އޭނާ ފިލްމް ރިޖެކްޓް ކުރީ ކަމަށް ބުނެފައިއެވެ.
ސަބަބަކީ އޭރު މަނޫޝީ އޮތީ ޔަޝް ރާޖް ފިލްމް އާއި އެކުގައި "ޕްރިތްވީރާޖް" އަށް ސޮއިކޮށްފައިއެވެ. އަދި ބޮލީވުޑް އަށް ނުކުރުމަށް އެފަދަ ބޮޑު ޕްރޮޑަކްޝަން ހައުސްއެއްގެ އަތް އޮތުމަކީ އޭނާ އެންމެ ފައިދާ ހުރި ގޮތް ކަމަށް ގަބޫލު ކުރީ ކަމަށެވެ.
ނަމަވެސް "ޕްރިތްވީރާޖް" ވެގެން ދިއައީ ބޮޑު ފްލޮޕް އަކަށެވެ. އުންމީދު ކުރިވަރާއި ގާތަށްވެސް ފިލްމް ހިނގާއިފައިއެއް ނުވެއެވެ. ފިލްމްގެ ނާކާމިޔާބީ އާއި އެކުގައި މަނޫޝީ އަތުގައި މިވަގުތު އޮތީ އެއްމެ ފިލްމްއެކެވެ. އެއީ ޖޯން އަބްރަހަމަ އާއިއެކު އޭނާ ފެނިގެންދާ ފިލްމް "ތެހެރާން"އެވެ.
ފިލްމް އަށް އެބަސް ވިނަމަ މަނޫޝީ ބޮލީވުޑް އަށް ތައާރަފް ވަނީ އާމިރު ހާން އާއި އެކުގައި "ލާލް ސިންގް ޗައްޑާ" އިންނެވެ. އެ ފިލްމްގައި މަނޫޝީ ކުޅޭނީ ކަރީނާ މިހާރު ކުޅެފައިވާ އާމިރުގެ އަންހެނުންގެ ރޯލެެވެ.
ކޮމެންޓު ފޮނުވާ