ފާއިތުވި ހުރިހާ ސަރުކާރަކުން ގދ.ރަތަފަންދޫ ބާކިކޮށްލިނަމަވެސް، މިސަރުކާރުން އެރަށަށް ވެފައިވާ ހުރިހާ ވަޢުދެއް ފުއްދާނެކަމުގެ ޔަޤީންކަން އެބައޮތްކަމަށް، މޯލްޑިވްސް ޓްރޭޑް ޔޫނިއަންގެ ނާއިބު ރައީސް އަދި ރަތަފަންދޫގެ ކުރިއެރުމަށް މަސައްކަތްކުރައްވާ ސަޢުދުﷲ އަޙްމަދު ވިދާޅުވެއްޖެއެވެ.
ޒަމާނުއްސުރެ ރަތަފަންދޫއަށް ދިމާވެފައިވާ ރަށްގިރުމުގެ މައްސަލަ ހައްލުކޮށްދިނުމަށް މިސަރުކާރުން މަސައްކަތް ފެށުމާއި ގުޅިގެން ސައުދު ވިދާޅުވީ، 2018ގެ ރިޔާސީ އިންތިޚާބު ކެމްޕެއިންގައި ގދ.ރަތަފަންދޫ ރައްޔިތުންގެ އެންމެ ބޮޑު އާދޭހަކީ އެމީހުންގެ މުޅި ދިރިއުޅުމަށް ދިގު މާޒީގައި ދިމާވެފައިއޮތް ބިރުވެރިކަމައި ނާމާންކަންކަމަށެވެ. އުދައެރުމުގެ ސަބަބުން ދިރިއުޅުމަށް ދިމާވެފައި އޮތް ހާސްކަންކަމަށާއި، މި ވަޢުދު ފުއްދާނެކަމަށް މީގެ ކުރީން ވެރިކަމަށް ވަޑައިގެންނެވި ހުރިހާ ބޭފުޅުންވެސް ވަޢުދުވިނަމަވެސް ރަތަފަންދޫ ރައްޔިތުން ވަނީ ބާކީކޮށް އެމީހުންގެ ޓެކްސް ފައިސާއަށް ހަރާންކޯރުވާފައިކަމަށް ސަޢުދު ވިދާޅުވިއެވެ.
2018 Riyaasee inthihaab campaing ga gdh rathafandhoo Rahyithunge enme bodu aadhey hakee emeehun ge mulhi dhiri ulhumah dhigu maazeega dhimaa vefa oih biru verikamaai naamaan kansas.udha erumuge sababun dhiri ulhumah dhimaa vefa oih haaskan.mi vaudhu fuhdhavaaane kamah meege 1/3 pic.twitter.com/NXLJRenNJ5
— Saudulla Ahmed (@saudullaahmed1) August 8, 2022
ނަމަވެސް ރައީސް އިބްރާހީމް މުޙައްމަދު ޞާލިޙް ރިޔާސީ އިންތިޚާބުގެ ކެމްޕެއިންގައި ދިން އިތުބާރާއި ޔަޤީންކަމަކީ މި ދަތި ހާލުން ރަތަފަންދޫ ރައްޔިތުން ސަލާމަތް ކުރާނެކަމަށްކަމަށާއި، އެރަށު ގިރާ ސަރަހައްދު ހިމާޔަތްކޮށް އުފާވެރިކަން ގެނެސްދެއްވާނެކަންކަމަށް ސަޢުދު ވިދާޅުވިއެވެ.
މިއަދު މިވަނީ މި ވަޢުދު ފުއްދުމުގެ ޢަމަލީ މަސައްކަތް ފެށިފައި. އިންޝާﷲ ރަތަފަންދޫއަށް ރައީސް ޞާލިޙް ވީ ހުރިހާ ވަޢުދެއް ފުއްދާނެކަމުގެ ޔަޤީންކަން އެބައޮތް. މި މަސައްކަތުގައި ފިނޭންސް މިނިސްޓަރ އަމީރާއި އިކޮނޮމިކް މިނިސްޓަރ ފައްޔާޟް އަދި މަސައްކަތް ހަވާލުކުރެވިފައިވާ އެމްޓީސީސީގެ އަޅުގަނޑުގެ އެންމެ އެކުވެރި އާދަމް އާޒިމް ސްޕީޑްއަޕް ކޮށްދެއްވުމަށް ކުރަމުންދާ މަސައްކަތަށް އިޚްލާސްތެރި ޝުކުރުރަން.
– ސަޢުދު ވިދާޅުވިއެވެ.
Rahyithun salaamah kurahvaane kamah.giraa sarahahdhu himaa yah koh ufaa verikan genes dhehvaane kan.Miadhu mivanee mi vaudhu fuhdhumuge amalee masahkah feshifa IA rathafandhoo ah raees @ibusolih v hurihaa vaudheh fuhdhaane kamuge yaqeen kan eba oih.mi masahkathuga MOF ekuveri
— Saudulla Ahmed (@saudullaahmed1) August 8, 2022
1990ގެ އަހަރުތަކުން ފެށިގެން ގދ. ރަތަފަންދޫއަށް ދިމާވެފައިވާ އެންމެ ހިތާމަވެރި އަދި ރައްޔިތުންގެ އެންމެ ބޮޑު ކަންބޮޑުވުން އޮތް ކަމަކީ ރަށް ގިރުމުގެ މައްސަލައެވެ. އެ ރަށު މީހުން ބުނާގޮތޮތުގައި މިހާރު އެންމެ ބޮޑަށް ގިރަމުން އަންނަ ސަރައްހައްދުގައި ގެތައްވެސް ހުއްޓެވެ. ނަމަވެސް މިހާރު ފެންނަން ހުރީ އެ ގެތަކުގެ ވަށާ ފާރުގެވެސް ކުޑަބައެކެވެ. ޒަމާންވީ މި ބޮޑު މައްސަލައަށް ހައްލެއް ގެނައުމަށްޓަކައި ސަރުކާރުން ވަނީ މިދިޔަ އެޕްރީލްމަހު އެ ރަށުގެ ގިރާ ސަރަޙައްދު ހިމާޔަތް ކުރުމަށްޓަކައި އެމްޓީސީސީއާ ހަވާލުކޮށްފައެވެ.
މި މަޝްރޫޢު ކުރިއަށް ގެންދިޔުމަށް މިދިޔަމަހު އެމްޓީސީސީއާ ވަނީ ހަވާލުކޮށްފައެވެ. މި މަސައްކަތް ފެށުމަށް މިހާރު އީއައިއޭ މަސައްކަތް ނިންމާ މޮބަލައިޒްކުރަން ވަނީ ތައްޔާރުވެފައެވެ. 210 ދުވަސް ތެރޭ ނިންމުމަށް ހަވާލްކޮށްފައިވާ މި މަސައްކަތުގެ ދަށުން 461 މީޓަރުގެ ސަރަހައްދެއްގައި ރިވެޓްމަންޓް ޖެހުމާއި 240 މީޓަރުގެ ސަރަހައްދެއްގައި ބޭރުތޮށި ލުމާއި 6600 އަކަމީޓަރުގެ ވެލި ގޮނޑުދޮށަށް އެޅުމުގެ މަސައްކަތް ކުރާނެއެވެ. ގދ.ރަތަފަންދޫ ގޮނޑުދޮށް ހިމާޔަށް ކުރުމުގެ މަޝްރޫއަކީ 27.84 މިލިއަން ރުފިޔާގެ މަޝްރޫއެކެވެ.
