އެއް ޖިންސުން ގުޅުން ހިންގުމުގެ ތުހުމަތުގައި ފުލުހުން ހައްޔަރު ކޮށްފައިވާ، މަޖިލިސް ރައީސް މުހައްމަދު ނަޝީދުގެ ކޮއްކޮ ނާޒިމް ސައްތާރުގެ ބަންދަށް 7 ދުވަސް ދީފިއެވެ.
ބަގްލަދޭޝްގެ ރައްޔިތެއް ކަމުގައިވާ އެމްޑީ އަލަމްގިރިއާއެކު އެއްޖިންސުން ގުޅުން ހިންގިކަމަށް ތުހަމަތު ކުރެވިފައިވާ ނާޒިމް ސައްތާރު ފުލުހުން ހައްޔަރު ކޮށްފައިވަނީ ފިލައިގެން ގޮސް ވެލިގަނޑު ރިސޯޓުގައި ހުއްޓައެވެ. އޭނާ ހައްޔަރު ކޮށްގެން ގެންގޮސްފައިވަނީ އއ. ރަސްދޫއަށެވެ.
ޚަބަރު އޮންލައިނަށް މައުލުމާތު ލިބިފައިވާ ގޮތުގައި، މިއަދު 15:00 ގައި ބޭއްވުނު ނާޒިމް ސައްތާރުގެ ބަންދުގެ އަޑުއެހުން ކުރިޔަށް ގެންދިޔައީ ސިއްރު އަޑުއެހުމެއްގެ ގޮތުގައެވެ. މިއަޑު އެހުމަށް ވަނުމަށް ނޫސްވެރިންނަށް ފުރުސަތު ދީފައެއް ނުވެއެވެ. އޭނާގެ ބަންދުގެ ޝަރީއަތް ނިމިފައިވާއިރު، ބަންދަށް ދީފައިވަނީ 7 ދުވަހެވެ.
ނާޒިމް ސައްތާރު ފުލުހުން ރޭގެ ވަގުތެއްގައި ހައްޔަރު ކޮށްފައިވަނީ، ލީކުވެފައިވާ ވޯޑިއޯތަކުން ފެންނަކަމަށް ޝައްކު ކުރެވޭ އެއްޖިންސުން ގުޅުން ހިންގާފައިވާ މީހުން ހައްޔަރު ކުރުމަށް އިއްޔެ ފުލުހުން ހިންގި އޮޕަރޭޝަނެއްގައެވެ. އެއްޖިންސުން ގުޅުން ހިންގާފައިވާ ކަމުގެ ކުށުގައި، ރައްޔިތުންގެ މަޖިލިހުގެ ރައީސް މުހައްމަދު ނަޝީދުގެ ކޮއްކޮ ނާޒިމް ސައްތާރުގެ އިތުރުން، ރައްޔިތުންގެ މަޖިލިހުގެ ކުރީގެ މެމްބަރު މުހައްމަދު ނަޝީދުވެސް ހިމެނޭގޮތުން ފުލުހުންވަނީ އިއްޔެއާއި ރޭގެ ވަގުތެއްގައި، ލީކުވެފައިވާ ވޯޑިއޯތަކުން ފެންނަކަމަށް ޝައްކުރެވޭ އެންމެ ހައްޔަރު ކޮށްފައެވެ.
މި މީހުން ހައްޔަރު ކުރުމަށް ފުލުހުން ހިންގާ ޚާއްސަ އޮޕަރޭޝަނެއް ފުލުހުން ކުރިޔަށް ގެންދާ ކަމުގެ މައުލޫމާތު މީޑިއާގައި އާންމުވާ ފެށުމާއެކު ނެރުނު ބަޔާނެއްގައި ފުލުހުން ވިދާޅުވެފައިވަނީ، މި އޮޕަރޭޝަންގައި އިއްޔެގެ ވަގުތެއްގައި 45 އަހަރުގެ ދިވެހި ފިރިހެނަކާއި 35 އަހަރުގެ ދިވެހި ފިރިހެނަކު ހައްޔަރު ކޮށްފައިވާ ކަމުގައެވެ.
ބެލެވޭ ގޮތުގައި އިއްޔެގެ މެންދުރުގެ ވަގުތެއްގައި ފުލުހުން ހައްޔަރު ކޮށްފައިވާ ދެ ދިވެހިންގެ ތެރޭގައި ހިމެނެނޭ އެކަކީ ރައްޔިތުންގެ މަޖިލިހުގެ ކުރީގެ މެމްބަރު ކާނަލް ނަޝީދެވެ. އެއަށްފަހު ފުލުހުންވަނީ މަޖިލިސް ރައީސް މުހައްމަދު ނަޝީދުގެ ކޮއްކޮ ނާޒިމް ސައްތާރުވެސް ފުލުހުން ވަނީ، އޭނަ ރިސޯޓެއްގައި ފިލާ ހުއްޓާ ހައްޔަރު ކޮށްފައެވެ.
މިމީހުން ހައްޔަރު ކުރުމަށް ފުލުހުން ހިންގި އޮޕަރޭޝަނާއި ގުޅޭގޮތުން ފުލުހުންގެ މުވައްސަސާއިން ނެރުނު ބަޔާނުގައި ވިދާޅުވެފައި ވަނީ، ހައްޔަރު ކޮށްފައިވަނީ މިހާތަނަށް ތަހުގީގަށް އެކަށީގެންވާ ހެއްކާއި ގަރީނާ ހޯދިފައިވާ މީހުންކަމުއެވެ.
