ގޭންގަކުން މަރުގެ އިންޒާރު ދިން ބޮލީވުޑްގެ އެކްޓަރ ސަލްމާން ޚާން ހަތިޔާރު ގެންގުޅުމުގެ ހުއްދައަކަށް އެދިއްޖެއެވެ.
މޭ މަހުގައި ޕަންޖާބްގެ ލަވަކިއުން ތެރިއާ ސިއްދޫ މޫސްވާލާއަށް ބަޑިން ހަމަލާދީ މަރާލިތާ މާގިނަ ދުވަހެއް ނުވެ ސަލްމާނާއި އޭނާގެ ބައްޕަ އަށްވެސް ވަނީ މަރުގެ އިންޒާރުދީ ސިޓީއެއް ލިބިފައެވެ.
ސަލްމާނާއި އޭނަގެ ބަައްޕަ އަށް މަރުގެ އިންޒާރު ދީ ފޮނުވި ސިޓީ އަކީ ސިއްދޫ މޫސްވާލާ މެރިކަމުގެ ޒިންމާ ވެސް ނެގި ލޯރެންސް ބިޝޯނީގެ ގޭންގުގެ ސިޓީއެކެވެ.
އެމައްސަ ފުލުހުންނަށް ވަނީ ހުށައަޅައިފައެވެ. އަދި ފުލުހުން އަންނަނީ މައްސަލަ ތަހުގީގު ވެސް ކުރަމުންނެވެ.
ސަލްމާނަކީ މިވަގުތު ބޮލީވުޑްގައި ހުރި އެންމެ ވަރުގަދަ ސެކިއުރިޓީ އޮތް އެކްޓަރެވެ. ސިއްދޫގެ މަރާއި އެކުގައި އޭނާ ސެކިއުރިޓީ ވަރުގަދަ ކުރިއެވެ.
މީޑިއާތަކުން ބުނި ގޮތުގައި 55 އަހަރުގެ އެކްޓަރު މިއަދުގެ ހެނދުނުގެ ވަގުތެއްގައި މުމްބާއީ ފުލުހުންގެ މައި މަރުކަޒަށް ވެސް ދިޔައެވެ. އަދި ހަތިޔާރު ގެންގުޅުމުގެ ހުއްދައަށް އެދި ހުށައެޅުމާއި ގުޅިގެން ފުރިހަމަކުރަން ޖެހޭ ލިޔެކިޔުންތަކެއްގެ ވެރިފިކޭޝަނަށް ވަނީ ހުށައަޅާފައެވެ.
