ޤާނޫނު އަސާސީއާއި ޚިލާފަށް ރައްޔިތުންގެ މަޖިލީހުގެ ގަލޮޅު ދެކުނު ދައިރާގެ މެމްބަރު ވަޒީރު މަލީހުގެ އިތުބާރު ނެތްކަމުގެ މައްސަލަ ހުށަހަޅާފައިވާތީ މެމްބަރު މީކާއިލް ނަސީމް ގޮވައިގެން ސްޕްރީމް ކޯޓަށް ދިއުމަށް މިނިސްޓަރ މަލީހު ނިންމަވައިފިއެވެ.
މިނިސްޓަރ މަލީހު ވިދާޅުވީ ޤާނޫނު އަސާސީގެ 27 ވަނަ މާއްދާގެ ދަށުން ލިބިދީފައިވާ ހައްގެއްގެ ބޭނުން ކުރުމުގެ އެކަމާއި، ދެކޮޅަށް މަޤާމުގެ ބިރުދައިކައި، ނުފޫޒު ފޯރުވަން އުޅުމަކީ ބަލައިގަނެވޭނެ ކަމެއްނޫންކަމަށެވެ. އައި މިއީ ޤާނޫނީ ނިޒާމުގެ ބާރު ކަނޑުވާލައި، ޤާނޫނު އަސާސީގެ ބާރު ދެތިކޮށްލުމަށް ދީފައިވާ ނުރައްކާތެރި ސިގުނަލެއްކަމަށް މަލީހު ވިދާޅުވިއެވެ.
Qaanoonu Asaasyge 27 vana maadhaain libidhey hahgegge beynun hifumun adhabu dheyn ulhumakee dhusthooruga kolhufain jehun. Democracy ge asaasthah fundu fundu kollun. Mee nurahkaluge rangabeeleh. Mikail govaigen Supreme Court ah vannaanan. #QAdhifaauga https://t.co/PeHu48JUy9
— Mohamed Maleeh Jamal (@maleehjamal) November 16, 2020
މިނިސްޓަރ އޮފް ކޮމިއުނިކޭޝަން، ސައިންސް އެންޑް ޓެކްނޮލޮޖީ، މުޙައްމަދު މަލީޙް ޖަމާލްގެ އިތުބާރު ނެތްކަމަށް މަޖިލީހުން ފާސްކޮށްދިނުން އެދި އެމްޑީޕީގެ ޕާލަމެންޓްރީ ގުރޫޕަށް ހުށަހަޅާފައިވާ މައްސަލާގައި މިނިސްޓަރ މަލީހު ވިދާޅުވީ މައްސަލަ ވެއްދިއިރު ވައްދާފައިވަނީ އެއްވެސް ގުޅުމެއްނެތި ތާކުންތާނު ނުޖެހޭ ތުހުމަތުތަކެއްގައި ޤާނޫނު ނުބައިކޮށް މާނަކޮށްގެން ކަމަށެވެ.
މައްސަލަ ވައްދާނަމަ ވައްދަންވީ ޤާނޫނު އަސާސީގެ ޚިޔާލްފާޅު ކުރުމުގެ ހައްގުގެ ގޮތުގައި ކަނޑައަޅާފައިވާ 27 ވަނަ މާއްދާއައި ހަވާލާދީކަމަށް މަލީހު ވަނީ ވިދާޅުވެފައެވެ. އިތުބާރު ނެތްކަމުގެ މައްސަލަ ވައްދަނީ ކަނޑައެޅިގެން ޤާނޫނު އަސާސީން ލިބިދީފައިވާ ހައްގެއް ބޭނުންކޮށް ޓީވީ ޕްރޮގުރާމެއްގައި ދެއްކި ވާހަކަތަކާއި ގުޅިގެންކަން އެންމެންނަށްވެސް ސާފުވާނެކަމަށާއި، އެއްވެސް ގޮތެއްގައި މިއުޅެނީ މިނިސްޓްރީ ހިންގާ ގޮތުގެ މައްސަލައެއް އޮވެގެން ނޫންކަމަށް މަލީހު ވިދާޅުވިއެވެ.
މަލީހުގެ އިތުބާރު ނެތްކަމުގެ މައްސަލަ އެމްޑީޕީ ޕާލިމަންޓްރީ ގްރޫޕަށް ހުށަހަޅާފައިވަނީ ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމެެވެ. އޭނާ ހުށަހެޅުއްވި މައްސަލާގައި ބުނެފައިވަނީ މިނިސްޓަރ މަލީހުގެ އިތުބާރު ގެއްލިފައި ވަނީ، ދިވެހިރާއްޖޭގެ ޤާނޫނު ނަންބަރު (43/2015) ދިވެހިރާއްޖޭގެ ޓެލެކޮމިއުނިކޭޝަންގެ ޤާނޫނުން މިނިސްޓްރީގެ ދަށުން ހިނގަމުން އަންނަ އިދާރާތަކަށް ކުރުމަށް ލާޒިމްކުރާ ކަންތައްތަކުގެ ތެރެއިން އެ ޤާނޫނުގެ ދަށުން ދިވެހިރާއްޖޭގެ ކޮމިއުނިކޭޝަންސް އޮތޯރިޓީން ހަދަންޖެހޭ އެއްވެސް ޤަވާއިދެއް މަގާމުގައި ހުންނަވާތާ 2 އަހަރުވީއިރުވެސް މިނިސްޓަރ މަލީޙް ހައްދަވާފައި ނުވުމާއި، އެ ކަމުގައި ޖަވާބުދާރީވުމަކީ މުވާސަލާތީ ހިދުމަތްތައް ތަންޒީމުކޮށް ހިންގުމުގެ މަސްޢޫލިއްޔަތު އެ އިރެއްގައި ހަވާލުކޮށްފައިވާ ވުޒާރާއެއްގެ ވަޒީރުގެ ޒިންމާއެއް ކަމަށް ކޮމިއުނިކޭޝަންސް އޮތޯރިޓީ އޮފް މޯލްޑިވްސްގެ ޤާނޫނުގެ 2 ވަނަ މާއްދާގެ (ނ) ގައި ބަޔާންކޮށްފައިވާތީއެވެ.
މީގެ އިތުރުން އެ ޤަވާއިދުތަކަކީ، ދިވެހިރާއްޖޭގެ ޓެލެކޮމް ސިނާއަތް ފުރިހަމައަށް ރެގިއުލޭޓްކޮށް ހިންގުމަށް ކޮންމެހެން ބޭނުންވާ ޤަވާއިދުތަކެއްކަމަށާއި، އެކަން ލަސްވެގެންދާ ކޮންމެ ދުވަހަކީ ދިވެހި ދަޢުލަތަށާއި ރައްޔިތުންނަށް އެތަކެއް ގެއްލުންތަކެއް ކުރިމަތިކުރުވާ ކަމެއްކަން ކަށަވަރު ވާކަމަށްވެސް މި ލިއުމުގައި ބުނެފައިވެއެވެ.
މިނިސްޓަރ މަލީހުގެ އިތުބާރުނެތްކަމުގެ މައްސަލަ އެމްޑީޕީގެ ޕާލަމެންޓްރީ ގުރޫޕަށް ހުށައަޅާފައި މިވަނީ، ރާއްޖޭގައި ބަރުލަމާނީ ނިޒާމަކަށް ޖާގަ ނުދެއްވާނެ ކަމަށް ވިދާޅުވެ ރައްޔިތުންގެ މަޖިލީހަށް މިނިސްޓަރ މަލީޙް ފާޑުވިދާޅުވެފައި ވަތީ، އެމްޑީޕީގެ ޕާލަމެންޓްރީ ގުރޫޕުގެ މެމްބަރުންގެ ނުރުހުން އަމާޒުވެފައިވާ ވަގުތެއްގައެވެ.
އެމްޑީޕީގެ އަސާސީ ޤަވާއިދުގައި ބުނާގޮތުން، ވަޒީރެއްގެ އިތުބާރު ނެތްކަމުގެ މައްސަލަ އެ ޕާޓީގެ ފަރާތުން މަޖިލީހަށް ވެއްދޭނީ ޕާޓީގެ ޕާލަމެންޓްރީ ގުރޫޕަށް ހުށައަޅައި ފާސްކޮށްގެންނެވެ.
ކޮމެންޓު ފޮނުވާ