މާލެއިން ގެއްލިގެން ހޯދަމުންދިޔަ 17 އަހަރުގެ އަންހެން ކުއްޖާ ފެނިއްޖެއެވެ.
ގެއްލިގެން ހޯދަމުން ދަނީ އައްޑޫ ސިޓީ ފޭދޫ އަށް އުފަން 17 އަހަރުގެ އާމިނަތު ޒާރާ ރިޔާޒްއެވެ. އެ ކުއްޖާގެ ދައްތަ ފޭސްބުކްގައި ކޮށްފައިވާ ޕޯސްޓުގައި ބުނެފައިވަނީ އެކުއްޖާ އެންމެ ފަހުން ފެނިފައިވަނީ މިދިޔަ އާދީއްތަ ދުވަހުގެ މެންދުރުފަހު 2:30 ހާއިރެވެ.
ކުއްޖާ ހޯދުމަށް ފުލުހުން ކުރި މަސައްކަތުގައި ފެނިފައިވަނީ މިއަދު މެންދުރު ފަހު އެމްޕީއެލްކައިރިންކަމަށް މައުލޫމާތު ލިބިފައިވެއެވެ.
އެކުއްޖާ ފެނިފައިވާކަން ފުލުހުން ވަނީ ކަށަވަރުކޮށްދީފައެެވެ. ފުލުހުން ބުނީ ކުއްޖާގެ ހާލު ރަނގަޅު ކަމަށާއި، އެކަމާއި ގުޅިގެން ބަލަންޖެހޭ ކަންކަން ދަނީ ބަލަމުން ކަމަށެވެ. ނަމަވެސް މިކަމާއި ގުޅޭ އިތުރު ތަފްސީލެއް ފުލުހުން ނުދެއެވެ.
