ބޮމް ސްކޮޑް ނެރެ, ކުއްތާ ފޯސް ނެރުނަސް ރައްޔިތުންގެ ލޯބި މިސަރުކާރަށް ނުލިބޭނެކަމަށް މިސަރުކާރުގެ ފުރަތަމަ ޓެކްނޮލޮޖީ މިނިސްޓަރ މުޙައްމަދު މަލީހު ޖަމާލު ވިދާޅުވެއްޖެއެވެ.

ސަރުކާރަށް ފާޑުވިދާޅުވެ މަލީހު ވިދާޅުވީ، ސަރުކާރު ނޭވާ ހޮޅިޔަށް އެޅުމުން ހޯރަފުށ ދާއިރާގެ ކުރީގެ މެންބަރު މުހައްމަދު އިސްމާޢީލް ހައްޔަރުކޮށް, ދީނީ އާލިމުން ހައްޔަރުކޮށް, ނުޖަހަން ވަޢުދުވި ވާނުވާ ޖަހާ, ބޮމް ސްކޮޑް ނެރެ, ކުއްތާ ފޯސް ނެރުނަސް ރައްޔިތުންގެ ލޯބި މިސަރުކާރަށް ނުލިބޭނެކަމަށެވެ. މަލީހު ވަނީ، ބިރެއްވެސް ނުދެއްކޭނެކަމަށް ވިދާޅުވެ ސަރުކާރުގެ މާލީ ހިސާބު ކިތާބު ގަޑުބަޑު ނުކުރުމަށް ގޮވާލައްވާފައެވެ.

ސަރުކާރު ނޭވާ ހޮޅިޔަށް އެޅުނީމަ މުހައްމަދު އިސްމާޢީލް ހައްޔަރުކޮށް, ދީނީ އާލިމުން ހައްޔަރުކޮށް, ނުޖަހަން ވަޢުދުވި ވާނުވާ ޖަހާ, ބޮމް ސްކޮޑް ނެރެ, ކުއްތާ ފޯސް ނެރުނަސް ރައްޔިތުންގެ ލޯބި މިސަރުކާރަށް ނުލިބޭނެ. ބިރެއްވެސް ނުދެއްކޭނެ. ސަރުކާރުގެ މާލީ ހިސާބު ކިތާބު ގަޑުބަޑު ނުކުރޭ!

— Mohamed Maleeh Jamal (@maleehjamal) July 6, 2022

މަލީހު މިހެން ވިދާޅުވެފައިވާއިރު، މާލޭގެ ތިން ސަރަހައްދެއްގައި ގޮވާ ޒާތުގެ ތަކެތި ހުރިކަމަށް ލިބުނު މައުލޫމާތަށް ރިޔާއަތްކޮށް ސަލާމަތީ ޚިދުމަތްތަކުން އިއްޔެ ވަނީ ހަރަކާތްތެރިވެފައެވެ. އަދި ފުލުހުންގެ ޚިދުމަތުގެ ކޭ ނައިން (ޑޯގް ސްކޮޑް) ގެ ހާއްސަ ތަމްރީނެއް މިއަދު މާލޭގެ އެކި ސަރަޙައްދުތަކުގައި ކުރިއަށްދާނެކަމަށް ފުލުހުން މިއަދު ހާމަކޮށްފައިވެއެވެ.

މީގެ އިތުރުން ސަރުކާރުގެ މާލީ ހިސާބުތައް ގަޑުބަޑު ނުކުރުމަށް މަލީހު ގޮވާލާފައިމިވަނީ، ޖީއެސްޓީއާއި ޓީޖީއެސްޓީ ބޮޑުކުރަން ސަރުކާރުން ނިންމެވިކަން އިއުލާންކުރުމާއި ގުޅިގެންނެވެ. ރައީސް ނަޝީދުވެސް ވަނީ އެއީ ގޯސް ހިސާބުތަކެއްކަމަށް ވިދާޅުވެ އެ ނިންމުމަށް ފާޑުވިދާޅުވެފައެވެ.