އަކްޝޭ ކުމާރުގެ ކުރިއަށް އޮތް ފިލްމު "ރަކްޝާ ބަންދަން" ގެ ޓްރެއިލާ އާންމު ކޮށްފިއެވެ. މިއީ މިއަރު ނެރޭނެ އަކްޝޭގެ ދެވަނަ ފިލްމެވެ.
އޭނާގެ ފިލްމު "ޕްރިތުވީރާޖް" އަށް ބޮޑު ނާކާމިޔާބެއް ލިބުމުން މި ފިލްމާ ދޭތެރޭ ކުރެވޭ އުންމީދު ވަރަށް ވެސް ބޮޑެވެ. ނަމަވެސް ފިލްމު ރިލީޒް ކުރާ ދުވަހުގައި އާމިރު ޚާންގެ "ލާލް ސިންގް ޗައްޑާ" ވެސް ރިލީޒް ކުރެއެވެ. މިއީ ފިލްމަށް ކުރިމަތިވާނެ ވަރަށް ބޮޑު ޗެލެންޖެކެވެ.
ދެފިލްމަކީ ވެސް ދެ ޖޯންރާއެއްގެ 2 ފިލްމެކެވެ. އެހެން ކަމުން މިގޮތަށް ނެރޭ ފިލްމުތަކަށް ތަރުހީބު ލިބިގެން ދަނީ އުންމީދު ނުކުރާކަހަލަ ގޮތަކަށެވެ. ބޮލީވުޑްގައި މިއަހަރު ރިލީޒްކުރި ގިނަ ފިލްމްތަކުން ފެނުނު މަންޒަރަކީ މިއީއެވެ.
"ރަކްޝާ ބަންދަން" އަކީ ހަތަރު އަންހެން ކޮއްކޮއިންގެ ވާހަކަ ކިޔައިދޭ ވަރަށް ޖަޒުބާތީ ފިލްމަކަށް ވާނެ އެވެ. މި ފެމެލީ ޑްރާމާ އަކީ އަކްޝޭ އާއި ބޫމީ އެކީގައި ކުޅުނު 2017 ގެ ކާމިޔާބު ފިލްމު "ޓޮއިލެޓް: އޭކް ޕްރޭމް ކާތާ" އަށް ފަހު ދެތަރިން އެކުގައި މަސައްކަތް ކުރާ ދެވަނަ ފިލްމެވެ.
View this post on Instagram
އާނަންދު އެލް ރާއީ ޑައިރެކްޓްކޮށްފައިވާ މި ފިލްމަކީ އަންނަ އޮގަސްޓް މަހުގެ 11 ގައި ސިނަމާތަކަށް ގެންނަން ތާވަލުކޮށްފައި އޮތް ފިލްމެކެވެ.
