5 އަހަރުގެ ދިގު އިންތިޒާރަށް ފަހު އަންނަ ސެޕްޓެމްބަރު މަހު ރިލިޒް ކުރާ ފިލްމު "ބްރަމަސްތުރާ" ގެ ހާއްސަ ފެނިލުމަކުން ބޮލީވުޑްގެ ގިނަ ތަރިންތަކެއް ފެނިގެން ދާނެ ކަމަށް ޚަބަރުތައް ބުނެފިއެވެ.
އެފިލްމުގެ ހާއްސަ ފެނިލުމަކުން ޝާހްރުކް ޚާން ފެނިގެން ދާނެ ކަމަށް މާކުރީއްސުރެވެސް ވަނީ އެނގިފައެވެ. ނަމަވެސް މިހާރު އަނެއްކާވެސް އިތުރު ނަންތަކެއް މި ވަނީ ފެންމަތިވެފައެވެ.
އެގޮތުން މި ފިލްމުގެ ހާއްސަ ފެނިލުމަކުން ދީޕިކާ ޕަޑުކޯން އާއި އޭނާގެ ފިރިމީހާ ރަންވީރު ސިންގ އަދި މާދުރީ ޑިކްސިޓްގެ އިތުރުން ވަރުން ދަވަން ފެނިގެން ދާނެކަމަށް ބޮލިވުޑްގެ ޚަބަރުތައް ބުނެއެވެ.
މި ފިލްމުގެ ޓްރެއިލާ އާންމު ކުރުމާއެކު، ގިނަ ބައެއްގެ ސަމާލުކަން އެއަށް ހުއްޓިފައި ވާއިރު، ގިނަ ތަރިންތަކެއްގެ ހާއްސަ ފެނިލުމެއް ހިމެނޭ ކަމަށް ބުނިނަމަވެސް މިއީ އަދި މުޅިން ކަށަވަރު ވާހަކައެއް ނޫނެވެ.
އަޔާން މުކަރްޖީ ޑައިރެކްޓްކޮށް ސެޕްޓެމްބަރު މަހުގެ 9 ވަނަ ދުވަހު ރިލިޒް ކުރާ މި ފިލްމުން މަޝްހޫރު ކާސްޓެއް ފެނިގެން ދާނެއެވެ.
ފިލްމުގެ ލީޑުރޯލުން ފެނިގެން ދާނީ އާލިއާ ބަޓާއި ރަންބީރު ކަޕޫރެއެވެ. މީގެ އިތުރުން އަމިތާބް ބައްޗަން، ނާގަ އަރްޖުނާ، މޯނީ ރޯއީ އަދި ޑިމްޕަލް ކަޕާޑިއާ ވެސް ފެނިގެން ދާނެއެވެ.
މި ފިލްމަކީ 350 ކްރޯޑް ރުޕީސް (44.8 މިލިއަން ޑޮލަރު)ގެ ބަޖެޓަކުން ހަދާފައިވާ ސުޕަ ހީރޯ ފިލްމެކެވެ.
