ޤައުމުގެ ހަގީގީ ދުޝްމަނުންނަކީ ސަރުކާރުގައި ތިބޮ ރައްޔިތުންނަށް ކަންކަން އޮޅުވަލާ ވެރިންކަމަށް ޕީއެންސީގެ ނާއިބު ރައީސް އަދި މަޑުއްވަރީ ދާއިރާގެ މެންބަރު އާދަމް ޝަރީފް ޢުމަރު ވިދާޅުވެއްޖެއެވެ. އޭނާ މިހެން ވިދާޅުވީ، ރައީސް ނަޝީދާއި ދެކޮޅަށް ފިނޭންސް މިނިސްޓަރ އިބްރާހީމް އަމީރާއި، އިކޮނޮމިކް މިނިސްޓަރ ފައްޔާޒް އިސްމާއީލް ނިކުންނެވުމާއި ގުޅިގެންނެވެ.
އިޤްތިޞާދާއި ގުޅޭގޮތުން ކުރެވެމުންދާ ބަހުސްއާއި ގުޅިގެން ދެއްވި ރައްދުގައި އާދަމް ޝަރީފް ވިދާޅުވީ ޕީޕީއެމް އިން ވާހަކަ ދައްކަނީ ހަގީގަތަށް ބިނާކޮށް، ޤައުމުގެ ހާލުގެ ދުލުން ދައްކާ ވާހަކަތަކެއްކަމަށެވެ. ޤައުމުގެ ހަގީގީ ދުޝްމަނަކީ ސަރުކާރުގައި ތިބި، ރައްޔިތުންނަށް ކަންކަން އޮޅުވާލާ ވެރިންކަމަށާއި، އެއީ ޤައުމުގެ ޚާއިނުންކަމަށެވެ. ސަރުކާރު ޖަވާބުދާރީ ކުރުމުގައި އަބަދުވެސް ދާނީ ކުރިއަށްކަމަށްވެސް އާދަމް ޝަރީފް ވިދާޅުވިއެވެ.
Alhugandumen, opposition in dhakkanee haqeeqathah binaakoh, qaumuge haaluge dhulun dhakkaa vaahakathah. Qaumuge haqeeqee dhushmanunnakee sarukaarugai thibi, rayyithunnah kankan olhuvaalaa verin. Eee qaumuge khaainun. Sarukaaru javaabudhaaree kuruvumugai abadhuves dhaanee kuriah! pic.twitter.com/AMGlhp3cIS
— Adam Shareef Umar (@Adamshareefz) June 17, 2022
އާދަމް ޝަރީފް މިހެން ވިދާޅުވެފައިވާއިރު، ދަރަނި ނަގައި ރާއްޖެ ބަނގުރޫޓުވުމާ ހިސާބަށް ހިނގައިދާނެ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވަމުން އެމަނިކުފާނަށް މިސަރުކާރުގެ ބައެއް ވަޒީރުން ވަނީ ރައްދު ދެއްވާފައެވެ. ނަޝީދު އިޤްތިޞާދާއި ގުޅޭގޮތުން ދައްކަވާ ވާހަކަތާއި ދެކޮޅަށް، އެމްޑީޕީގެ ޗެއާޕާސަން ފައްޔާޒް އިސްމާއިލް އާއި މިނިސްޓަރު އަމީރު ވަނީ "ރާއްޖޭގެ އިގްތިސާދުގެ މިސްރާބު ރަނގަޅު" ކަމަށް ވިދާޅުވެ ރައްދު ދެއްވާފައެވެ. ފައްޔާޒް އެދިވަޑައިގަތީ، ރަނގަޅަށް އިގްތިސާދު ހިނގަނިކޮށް ހަގީގަތާ މާ ދުރު ވާހަކަތަކެއް އެމަނިކުފާނު ދައްކަވައި، ސަރުކާރު ވައްޓާލުމަށް މަސައްކަތްކުރާ މީހުންނާ އެއްބައި ނުވުމަށެވެ.
ރައީސް ވަރަށް ގިނަ އަޅުގަނޑުމެންނާ ދެކޮޅު މީހުން އެބަ މަސައްކަތްކުރޭ، ހަގީގަތެއް ނެތް ވާހަކައެއް އެ ވާހަކަ ދެއްކި ދެއްކީނުން ހަގީގަތަކަށް ހެދޭތޯ. ބޭނުމަކީ ސަރުކާރު ވައްޓާލުމަށްޓަކައި ހަމައެކަނި އޮތް ގޮތަކީ ގައުމު ފުނޑުފުނޑުކޮށްލައިގެން ނަމަވެސް އެކަން ކުރުން. މިއީ އަޅުގަނޑުމެންގެ ދުޝްމަނުން ރާވައިގެން ކުރާ ކަމެއް. ހިންގަވާ އަޅުގަނޑުމެން މިކަމަށް ހިތްވަރު ނުދެމާ..
– ފައްޔާޒް ވިދާޅުވިއެވެ.
އަމީރު ވެސް ވިދާޅުވީ މި ހާލަތު އައީ ދަރަނި ރީސްޓްރަކްޗާ ނުކޮށްގެން ނޫން ކަމަށެވެ. މި ހާލަތު އައީ ކޮވިޑާ ހެދި ދައުލަތުގެ އާމްދަނީ ބޮޑުތަނުން ދަށްވެ، ޖީޑީޕީ ދަށަށް ދިއުމުން ކަމަށެވެ. ކުރިއަށް އޮތް ތަނުގައި ވެސް ރާއްޖޭގެ އިގްތިސާދު ކުރިއަރާނެ ކަމަށް ވިދާޅުވިއެވެ. އަމީރު ވިދާޅުވީ، އިގްތިސާދީ ހާލަތު ހަމަ މަގަށް އަޅުވަމުން އަންނަނީ ވިސްނުންތެރިކަމާ އެކުގައިކަމަށާއި ކުރިއަށް އޮތް ތަނުގައިވެސް ރަނގަޅުވާނެ ކަމަށެވެ.
