އިންޑިއާގެ ބޮޑުވަޒީރު ނަރެންދުރަ މޯޑީ އޭނާގެ މަންމައަށް 100 އަހަރު ފުރުމުގެ މުނާސަބާ ފާހަގަ ކުރުމުގެ ގޮތުން، ގުޖުރާތުގައި ދިރިއުޅުއްވާ އޭނާގެ މަންމަގެ އަރިހަށް ހޮނިހިރުދުވަހު ހެނދުނު ޒިޔާރަތް ކުރައްވައިފިއެވެ.
މޯޑީގެ މަންމަ ދިރިއުޅުއްވަނީ އޭނާގެ އެންމެ ހަނގު ދަރިފުޅާއެކީ ގާނދީނަގަރުގައެވެ.
މޯޑީގެ މަންމަގެ 100ވަނަ އުފަންދުވަހުގެ މުނާސަބަތުގައި ގުޖުރާތުގެ ސަރަހައްދީ ސަރުކާރުން ނެރުއްވާފައިވާ ބަޔާނެއްގައިވަނީ، މޯޑީގެ މަންމައަށް "އުފާވެރި އަދި ދިގު ހަޔާތަކަށް" އެދޭކަމަށް ބުނެފައެވެ.
މޯޑީގެ މަންމަގެ 100ވަނަ އުފަންދުވަސް ފާހަގަ ކުރުމަށްޓަކާ، މޯޑީ އުޅެ ބޮޑުވި އަވަށް ކަމުގައިވާ މެހެސަނާގެ ވަޑްނަގަރު އަވަށުގައި ޙާއްސަ ރަސްމިއްޔާތެއް ބޭއްވުމަށް ވަނީ ހަމަޖެހިފައެވެ.
#WATCH | Gujarat: Prime Minister Narendra Modi met his mother Heeraben Modi at her residence in Gandhinagar on her birthday today.
Heeraben Modi is entering the 100th year of her life today. pic.twitter.com/7xoIsKImNN
— ANI (@ANI) June 18, 2022
"ހިރަބާގެ އުމުރުން 100 އަހަރު ވެގެން ދާއިރު، ވަޑަނަގަރުގެ ހަތްކެޝްވަރާ ޓެމްޕަންގައި ޚާއްސަ ދީނީ އިހުތިފާލްތަކެއް ބޭއްވުމަށް ވަނީ ރޭވިފަ،" ބޮޑުވަޒީރު މޯޑިގެ ބޭބެ ޕްރަހްލާޑް މޯޑީ ވިދާޅުވެފައިވާ ވެއެވެ. އެެހެންނަމަވެސް އޭނާ ވިދާޅުވި ގޮތުގައި މި އިހުތިފާލްތަކަށް މޯޑީގެ މަންމަ ހިރަބާ ވަޑައިގަންނަވަނާނީ ސިއްޙީ ހާލަތު ތަންދޭ ނަމައެވެ.
ބޮޑުވަޒީރު މޯޑީގެ އެއްބަޑު އެއްބަފާ 6 ބެއިން ތިއްބަވައެވެ. އެއީ ނަރެންދުރަ މޯޑީގެ އިތުރުން ސޯމާ މޯޑީއާއި، އަމްރޫތު މޯޑީއާއި، ޕްރަހްލާދު މޯޑީއާއި، ޕަންކާޖު މޯޑީއާއި އެމީހުންގެ ދައްތަ ވަސަންތިއެވެ.
