ރައީސް ސާލިހު ރިޔާސީ ދެވަނަ ދައުރުގެ ވާހަކަ ވިދާޅުވުމަކީ އަމިއްލަ މަސްލަހަތު އިސްކުރުން ނޫންކަމަށާއި، އެމަނިކްފާނު ދެވަނަ ދައުރަކަށް ކުރިމަތި ނުލައްވަންވީ އެއްވެސް ސަބަބެއް ނެތްކަމުގައި ޓްރޭޑް ޔޫނިއަންގެ ނައިބް ރައީސް އަދި ކުރީގެ ގްރޭޓަރ މާލޭ އިންޑަސްޓްރިއަލް ޒޯން ލިމިޓެޑް ކުންފުނީގެ ބޯޑުގެ ޗެއަރމަން ސައުދުﷲ އަހުމަދު ވިދާޅުވެއްޖެއެވެ.
ރައީސް ސާލިހު ރިޔާސީ ދެވަނަ ދައުރަކަށް ކުރިމަލައްވާނޭކަމުގެ އިޝާރާތް ކުރެއްވުމާއި ގުޅިގެން، މިއީ ވެރިކަމުގެ އެދުން އިސް ކުރާންވީ ވަގުތު ނޫންކަމަށް ވިދާޅުވެ ރައީސް ނަޝީދު ކުރެއްވި ޓުވީޓަށް ރައްދު ދެއްވަމުން މިއަދު ކުރި ޓުވީޓެއްގައި ސައުދު ވިދާޅުވެފައިވަނީ، ރިޔާސީ އިންތިޚާބުގައި ކުރިމަތި ލައްވާނެތޯ ނުވަތަ ނޫންތޯ އެއީ ވެރިކަން ކުރާ ފަރާތުން ރައްޔިތުންނަށް ސާފުކޮށް ދެއްވަން ޖެހޭ ކަމެއް ކަމަށެވެ.
އަދި 5 އަހަރުގެ ވެރިކަމެއް ނިމިގެން ދާއިރު، ހެޔޮ ވެރިކަމެއް ކޮށްދެވިއްޖެ ކަމުގެ ޔަގީންކަން އޮވެއްޖެނަމަ އެ އިތުބާރާއެކީ ދެވަނަ ދައުރަކަށް އެވަގުތަކު ހުންނަވާ ވެރިއަކު ކުރިމަތި ނުލައްވަން ވީ ސަބަބެއް ނެތްކަމުގައެވެ.
2023 ga dhevana dhaureh ga vaahaka bunumakee Amihla edhun iskurumeh https://t.co/mJTilG8wjy verikan kuraa faraathun Rahyithunah saaf koh bunedheyn jehey kameh.5aharu dhaureh nimigen dhaairu Rahyithunah heyo verikameh kohdhevijje kan confidence ekee Qabool kureveynama E ithubaaraa
— Saudulla Ahmed (@saudullaahmed1) June 9, 2022
މީގެ އިތުރަށް ސައުދު ވިދާޅުވެފައިވަނީ ރައީސް ސާލިހުގެ ވެރިކަމުގައި ފެނިގެން މިދަނީ ހަމަޖެހުމާއި، ސުލްހަ މަސްލަސްކަމާއެކީ ގައުމު ބިނާކުރަމުން ދާ މަންޒަރުކަމަށާއި، 2023އަށް އޮތް ޗޮއިސްއަކީ ރައީސް ސާލިހު ކަމުގައެވެ. ސައުދު ވިދާޅުވި ގޮތުގައި ރައީސް ސާލިހުގެ ވެރިކަމުގައި، ރަސްޔިތުންގެ މެދުގައި އޮތް ތަފާތުކުރުންތައް އެމަނިކްފާނު ވަނީ ނިމުމަކަށް ގެންނަވާފައެވެ.
ގިނަ ދުވަސްތަކަށްފަހު ރައީސް ސާލިހު އިއްޔެ ބޭއްވި ނޫސްވެރިންގެ ބައްދަލުވުމުގައި ވިދާޅުވެފައިވަނީ 2023ގެ ރިޔާސީ އިންތިޚާބު އެމްޑީޕީއަށް ކާމިޔާބު ކުރަން ބޭނުންވާނަމަ އެމަނިކްފާނު ހުންނެވީ ޗޮއިސްއަކަށް ކަމަށެވެ.
