މަޝްހޫރު އެކްޓްރެސް ކަންގަނާ ރަނާވަތު ހުށައަޅައިދިން ޝޯ "ލޮކް އަޕް" ކާމިޔާބު ކުރި މުނައްވަރު ފާރޫގީ އާއި އޭނާގެ ލޯބިވެރިޔާ ނާޒިލާ އެކުގައި ފެނިގެންދާ ލަވައެއް ރިލީޒް ކޮށްފިއެވެ.
މިއީ ކަންގަނާ ހުށައަޅައިދިން ފުރަތަމަ ޝޯއެވެ. މި ޝޯގެ ސީޒަން އެކެއް ކާމިޔާބު ކުރީ މުނައްވަރެވެ.
މި ކާމިޔާބަށް ފަހު މުނައްވަރާއި އޭނާގެ ލޯބިވެރިޔާ ވަނީ ވަރަށް ފާޅުގައި އުޅެން ފަށާފައެވެ. އަދި އެމީހުން އެކިތަންތަނުން އެކުގައި ވަނީ ފެންނަށް ފަށާފައެވެ. އެއާއެކު މި ލޯބިލޯބި ޖޯޑުގެ ލޯބިލޯބި ލަވައެއް ވަނީ ރިލީޒް ކޮށްފައިއެވެ.
"ހަލްކީ ސީ ބަރްސާތު" ގެ ނަންދީފައިވާ އެ ލަވަ، ޗަންދީގަރުގައި ޝޫޓްކޮށްފައިވާއިރު، ލަވަ ކިޔާފައި ވަނީ ސާޖް ބަޓްއެވެ. މިލަވައިން ވެސް އެމީހުން މެދުގައި އޮތް ލޯބި ވަނީ ފެނިގެން ގޮސްފައެވެ.
