އަންހެނުން އިއްދައިން ކެނޑޭހިސާބުން ތަފާތު މައްސަލަތަކާއި ކުރިމަތިލާން ޖެހެއެވެ. މިހެން ދިމާވަނީ އާންމުގޮތެއްގައި 45 އަހަރުން މަތިވުމުން ދަރިމައިވުމުގެ ނިޒާމަށްއަންނަ ބަދަލުތަކެއްގެ ސަބަބުންނެވެ.

ޗެމްބޫރުގެ ޒެން މަލްޓިސްޕެޝަލިޓީ ހޮސްޕިޓަލުގެ އަންހެނުންގެ ހާއްސަ ޑޮކްޓަރ ޑރ. ވީނާ އޮރަންގަބަދުވާލާ ވަނީ އިއްދައިން ކެނޑުމުން ދިމާވާ މައްސަލަތަކާއި އެކަމާ ކުރިމަތިލާނެގޮތް ކިޔައިދީފައެވެ.

މިގޮތުން އެދުވަސްވަރު ނިދުމުގެ ތެރޭގައި ކުއްލިއަކަށް ދާހިއްލާ ނިދިން ހޭލެވުމަކީ އާއްމުކަމެކެވެ. މިކަމުން އަރައިގަތުމަށް ނިދާ ހެދުމަކީ ތުނި ހެދުމަކަށް ހެދުމަށާއި ފިނިވައިލިބޭ ތަނެއްގައި ނިދުމަށް ޑޮކްޓަރު ލަފާދެއެވެ.

ހަށިގަނޑު ހޫނުވެ ހުންވައްތަރު ވާހެން އިހުސާސްވުމަކީވެސް ގާތްކަމެކެވެ. މިއީ ހަށިގަނޑުގެ ހޯމޯނަށް އަންނަ ބަދަލުގެ ސަބަބުން ދިމާވާކަމެކެވެ. މިގޮތައް ހަށިގަނޑު ހޫނުވެފައި ހުންނާނީ މިނިޓުކޮޅަކަށެވެ. އެފަދަ ހާލަތުގައި އަމިއްލައަށް ހަށިގަނޑު ފިނިކޮށްލަންވާނެއެވެ.

ފަލަވުމަކީވެސް މިދުވަސްވަރު ވަރަށްގިނަ އަންހެނުންނަށް ކުރިމަތިލާންޖެހެ މައްސަލައެކެވެ. މިކަމަށް އޮތް ދާއިމީ ހައްލަކީ ގަވައިދުން ކަސްރަތުކޮށް ހެލިފެލިވެއުޅުމެވެ.

އަދި އިއްދައިން ކެނޑުމުން ކުރިމަތިފަރާތް ހިކިފައި ހުންނަކަން ފާހަގަ ކުރެވޭނެއެވެ. މޮއިސްޗަރައިޒާއެއްގެ އެހީގައި އަބަދުވެސް ތެއްކޮއްލާފައި ބެހެއްޓުމަކީ ވަރަށް ރަގަނޅު ކަމެއްކަމުގައި ޑޮކްޓަރު ފާހަގަކުރެއެވެ.

މި ދުވަސްވަރު ކުއްލި ކުއްލިއަށް މީހާގެ މޫޑު ބަދަލުވުމަކީ ކުރިމަތިލާން އެންމެ އުނދަގޫވާ މައްސަލައެވެ. މިއީ ތަފާތު ވިސްނުންތަކުގެ ސަބަބުން ކުރިމަތިވާ ކަމެކެވެ. އެހެން ނަމަވެސް އިއްދައިން ކެނޑޭދުވަސްވަރު މިއީ ވަރަށް އާއްމު ކަމެކެވެ. މިކަމަށް ކުރަންޖެހޭނެ ކަމަކީ ދިރިއުޅުމުގެ ބައެއް ކަންތައްތައް ބަދަލުކުރުމެވެ. ގަޑިން ގަޑިއަށް ފައިދާހުރި ކާނާ ކެއުމާއި މަދުވެގެން މަހަކު އެއްފަހަރު މެޑިކަލް ސްކްރީނިންގ ނޫނީ ޗެކަޕްހެދުން ވަރަށް މުހިންމެވެ.