ތަކެތީގެ އަގުމައްޗަށް އުފުލެމުންދާ ދިއުމުން އަރައިގަތުމަށް ސަރުކާރާ ރައްޔިތުން ޒިންމާދާރު މަސައްކަތްތަކެއްކުރަންޖެހިފައިވާކަމަށް މޯލްޑިވްސް ޓްރޭޑް ޔޫނިއަންގެ ނާއިބު ރައީސް ސައުދުﷲ އަޙްމަދު ވިދާޅުވެއްޖެއެވެ.
ކޯވިޑް-19އާއި ދުނިޔޭގެ އެކި ސަރަހައްދުތަކުގައި ހިނގަމުންދާ ހަނގުރާމައާއި ގުޅިގެން މުޅި ދުނިޔެއަށް ވަނީ އިޤްތިޞަދީ ގޮންޖެހުންތަކަކާއި ކުރިމަތިލާންޖެހިފައެވެ. މިއާއެކު ތެލުގެ އަގު އުފުލި ތަކެތީގެ އަގުވެސް ވަނީ މައްޗަށް ޖެހެންފަށާފައެވެ. އޭގެ އަސަރު ރާއްޖެއަށްވެސްވަނީ ކުރަން ފަށާފައެވެ.
މިކަމާއި ގުޅޭގޮތުން މޯލްޑިވްސް ޓްރޭޓް ޔޫނިއަންގެ ނާއިބު ރައީސް ސައުދުﷲ އަޙްމަދު ވިދާޅުވީ ދުނިޔެ މިދެކެމުންދާ އިޤްތިޞާދީ ހީނަރުކަން ރާއްޖެއަށްވެސް ދިމާވެފައިވާކަމަށެވެ. ތަކެތީގެ އަގު މައްޗަށްދާން ފަށާފައިވާކަން ފާހަގަކުރައްވާ ސައުދު ވަނީ، މިކަމުން އަރައިގަތުމަށް ރައްޔިތުންނާއި މުޅި ސަރުކާރުން އެކީ ޒިންމާދާރު މަސައްކަތްތަކެއް ކުރަން ޖެހިފައިވާކަމަށް ވިދާޅުވެފައެވެ. އަދި އިޤްތިޞާދު ހަރުދަނާކޮށް ފުދުންތެރި މުޖުތަމަޢުއެއް ބިނާކުރުމުގެ ސިޔާސަތުތަކެއް ޤައުމީ ފެންވަރުގައި ކަނޑައަޅަންޖެހޭކަމަށްވެސް ސައުދު ވިދާޅުވިއެވެ.
އުފެއްދުންތެރި ސިޔާސަތުތަކަށް ފުރުޞަތުތަކެއް މިއަދަށްވުރެ ބޮޑަށް ފަހިކުރަންޖެހޭ. އެންމެ ދިމާލަކޖަށް ވިސްނުމުގެ ބަދަލުގައި އެހެން ސިނާއަތްތައް ކުރިަރުވަންޖެހޭ
– ސަޢުދުﷲ އަޙްމަދު ވިދާޅުވިއެވެ.
Mujuthamaeh binaa kurumuge siyaasath thakeh qaumee fenvaruge kada alhan jehey.ufehdhun theri siyaasath thakah furusath thakeh miadhah vuren bodah fahi kuran jehey.enme dhimaalakah visnumuge badhal ga ehen sinaa ah thah kuri aruvan jehey.@KhabaruOnline @rasonlinemv @GaafuMv
— Saudulla Ahmed (@saudullaahmed1) June 2, 2022
ސައުދު މިހެން ވިދާޅުވެފައިވާއިރު ރާއްޖެ ފަދަ އެއް ސިނާއަތަކަށް ބަރޯސާވެފައިވާ ޤައުމުތަކަށް ގޮންޖެހުން ބޮޑުކަމަށް ބައިނަލްއަޤްވާމީ މާލީ އިދާރާތަކުންވެސް ވަނީ ބުނެފައެވެ. އަދި ހަރުދަނާ ފިޔަވަޅުތަކެއް ނާޅައިފިނަމަ ކައިރި މުސްތަޤްބަލެއްގައި ރާއްޖެވެސް ދަރަނި ނުދެއްކި ލަންކާފަދަ ޤައުމުތަކަށް ދިމާވި އިޤްތިޞާދީ ބޮޑު ހީނަރުކަމާ ކުރިމަތިލާންޖެހިދާނެކަމަށް ވަނީ ބުނެފައެވެ.
ރާއްޖޭގައިވެސް ބައެއް ތަކެތީގެ އަގު މިހާރު ދަނީ އުފުލެމުންނެވެ. ނަމަވެސް ސަރުކާރުން ބުނެފައިވަނީ، ދުނިޔޭގެ އިޤްތިޞާދަށް ކުރިމަތިވަމުންދާ ކަންތައްތަކާއި، ދިމާވާ އެކި ހާދިސާތަކުގެ ސަބަބުން އިޤްތިޞާދީ ގޮތުން ރާއްޖެއަށް ގޮންޖެހުންތަކެއް ހުރިކަމަށާއި، ނަމަވެސް ރާއްޖޭގެ އިޤްތިޞާދީ ދުވެލި ހުރީ ރަނގަޅު މިސްރާބަކަށްކަމަށެވެ.
