ބޮލިވުޑްގެ ތަރިންނަކީ ވަރުގަދަ ސެކިއުރިޓީއާއި އެކުގައި ދިރިއުޅެމުން އަންނަ ބައެކެވެ.
މިފަހުން ހިނގި ހިތާމަވެރި ހާދިސާ އާއި ގުޅިން ބޮލީވުޑް އެކްޓަރު ސަލްމާން ހާން އޭނާގެ ސެކިއުރިޓީ ވަރުގަދަ ކޮށްފިއެވެ. ހޮނިހިރު ދުވަހު އިންޑިއާގެ، ޕަންޖާބަށް ނިސްބަތްވާ މަޝްހޫރު ރެޕާ، އަދި ކޮންގްރެސްގެ ލީޑަރުކަން ވެސް ކުރަމުން އަންނަ ސީދޫ މޫސް ވާލާ ،28، ގަޔަށް ބަޑިޖައި ވަނީ މަރާލައިފައިއެވެ.
ޖޯދުޕޫރުގައި ސަލްމާނު މަރާލާނެކަމަށް މީގެކުރިން ލޯރެންސް ވަނީ ބުނެފައެވެ. ލޯރެންސްގެ ޖަމާއަތުން ދެކޭގޮތުގައި ބްލެކްބަކްސް އަކީ ވަރަށް މާތް ޖަނަވާރެކެވެ. 1972 ވަނަ އަހަރު އާންމުކޮށްފައިވާ "ވައިލްޑް ލައިފް ޕްރޮޓެކްޝަން އެކްޓް" ގެ ދަށުން ބްލެކްބަކްސް ޝިކާރަކުރުމަކީ މަނާކަމެކެވެ. ސިދޫގެ މަރާއިގުޅިގެން މިހާތަނަށް ހަ މީހަކު ފުލުހުން ވަނީ ހައްޔަރުކޮށްފައެވެ.
ރޯމާ ދުވާލު ގަޑިގައި މިހާދިސާ ހިނގައިފައިވަނީ ޕަންޖާބުގެ ފުލުހުން 424 މީހަކަށް ދެމުން އައި ސެކިއުރިޓީ، ހަރަދުތައް ކުޑަކުރުމުގެ ގޮތުން އުވާލިތަނާ ހެންނެވެ. އެއާއި އެކުގައި ބޮލީވުޑްގައި ވަނީ ބޮޑު ބިރުވެރިކަމެއް އުފެދިފައިއެވެ. އަދި އެއާއި އެކު ސަލްމާޏް ވެސް ވަނީ އޭނާގެ ސެކިއުރިޓީ ވަރުގަދަ ކޮށްފައެވެ.
