އައްޑޫ ސިޓީގެ ގަން އިންޓަރނޭޝަނލް އެއަރޕރޓް ތަރައްޤީ ކުރުމުގެ މަޝްރޫއަށް ކޮންޓްރެކްޓަރުން ޕްރީކޮލފައި ކުރުމުގެ މަސައްކަތް އިންޑިއަން އެގްޒިމް ބެންގެ ފަރާތުން މިއަދު ފަށައިފިއެވެ.
އިންޑިއާގެ އެގްޒމް ބެންކުގެ ލޯނު އެހީ ހަމަޖެހިފައިވާ މި މަރޫޢުގެ ދަށުން އަހަރަކު 1.5 މިލިއަން ފަސިންޖަރުންނަށް ޚިދުމަތް ދެވޭވަރުގެ ޒަމާނީ ވަސީލަތްތަކާ އެކުގައި ޕެސެންޖަރ ޓަރމިނަލް ތަރައްގީ ކުރެވިގެންދާނެއެވެ. މީގެ އިތުރުން އާ ކޮންޓްރޯލް ޓަވަރަކާއި ފަޔަރ ސްޓޭޝަން އިމާރާތް ކުރެވިގެންދާނެއެވެ.
އަދި އެއަޕޯޓަށް ބޭނުންވާ ކޯލްޑް ސްޓޯރޭޖާއިެކު ކާގޯ ވަސީލަތްތައް ތަރައްގީ ކުރެވިގެން ދިޔުމުގެ އިތުރުން އެއަރޕޓުގެ މަގުތައް ތަރައްޤީ ކުރެވި ޕާރކިންގ ސަރަޙައްދެއްވެސް ތަރައްގީ ކުރެވިގެންދާނެއެވެ. މީގެ އިތުރުންވެސް އެއަރޕޯޓް ތަރައްގީކުރުމާ ގުޅޭ އެހެނިހެން ގިނަ ކަންތައްތައް މި މަޝްރޫއުގެ ތެރެއިން ކުރުމަށް ވަނީ ހަމަޖެހިފައެވެ.
ގަން އިންޓަރނޭޝަނލް އެއާޕޯޓަކީ ރާއްޖޭގެ ދެކުނގެ މައި ދޮރާށިކަމުގައި ވީހިނދު، އެ އެއަޕޯރޓް ޒަމާނީ ފެންވަރަށް ތަރައްގީކޮށް، ޚިދުމަތުގެ ފެންވަރު ރަނގަޅު ކުރުމީ ދެކުނުގެ ތަރައްޤީއާއި ގުޅިފައިވާ މަސައްކަތެކެވެ. އެ ސަރަހައްދުގައި ފަތުރުވެރިކަމާއި މަސްވެރިކަމާއި އެހެނިހެން ސިނާއަތްތައް ތަރައްޤީކޮށް، ދެކުނުގެ އަތޮޅުތަކުގެ އިގްތިސާދު ފުޅާކުރުމަށް ރައީސުލްޖުލްޖުމްހޫރިއްޔާ އިބްރާހީމް މުޙައްމަދު ސާލިއް ގެންގުޅުއްވާ ސިޔާސަތުތައް ތަންފީޒުވެގެން ދިޔުމުގައި ގަން އެއަރޕޯޓް ތަރައްޤީ ކުރުމުގެ މަސްރޫއަކީ މުހިމްމު ދައުރެއް އަދާ ކުރާނެ މަޝްރޫޢެކެވެ.
މި މަޝްރޫއުގެ އަމަލި މަސައްކަތް މިއަހަރުގެ ފަހުކޮޅުގައި ފށިގެދާނެ ކަމަށް އިކޮނޮމިކް މިނިސްޓްރީން ވިދާޅުވެއެވެ.
ކޮމެންޓު ފޮނުވާ