ރައްޔިތުންގެ މަޖިލީހުގައި މަސައްކަތެއް ނެތްކަމަށްބުނެ އިދިކޮޅު މެމްބަރުން ވާހަކަ ދައްކަވަނީ މަޖިލީހުގެ ތަޅުމުގައި ބޭކާރު ޝޯކުޅެން ނުތިބޭތީ ކަމުގައި ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒޭނާ އާދަމް ވިދާޅުވެއްޖެއެވެ.
ރޮޒޭނާ މިހެން ވިދާޅުވީ ރައްޔިތުންގެ މަޖިލީހުގެ ދެ ވަނަ ދައުރުގައި މަސައްކަތްތައް ކުރިއަށް ނުގެންދަނީ ސަރުކާރުން މަޖިލިސް ހިސޯރުކޮށްފައި އޮތުމުން ކަމަށް އިދިކޮޅު ޕްރޮގްރެސިވް ކޯލިޝަންގެ ޕާލިމެންޓަރީ ގުރޫޕުން މިއަދު ދެއްކެވި ވާހަތަކާއި ގުޅިގެންނެވެ.
ރޮޒޭނާ ވިދާޅުވީ މަޖިލީހުގައި ކުރެވޭ އެންމެ ބޭކާރު މަސައްކަތަކީ މަޖިލީހުގެ ތަޅުމުގައި ފޮނި އަގަތަޅަން ތިބުންކަމަށެވެ. މަޖިލީހަށް އަލަށްވެދެވިގެން އުޅުއްވާ މެމްބަރުންނަށް މަޖިލީހުގެ ތަޅުމުގައި އަގަތަޅަން ނުތިބޭތީ މަސައްކަތެއް ނެތްކަމަށް ހީވި ނަމަވެސް މަޖިލީހުގައި މިހާރުވެސް ގިނަ މަސައްކަތްތަކެއް ހުރިކަމަށް ރޮޒޭނާ ވިދާޅުވިއެވެ.
މަޖިލީހަށް އަލަށް ވަދެވިގެން އުޅޭތީ ހީވާ އެއްޗެއްތީ. މަޖިލީހުގެ މައިގަނޑު މަސައްކަތައް ކުރަނި ކޮމެޓީތަކުގައި. ތަޅުމުގައި ފޮނި އަގަތެޅުން އެއީ މަޖިލީހުގަ ހިނގާ އެންމެ ބޭކާރު ކަންތައް.
– ރޮޒޭނާ ވިދާޅުވިއެވެ.
އޭނާ ވިދާޅުވީ މަޖިލީހުގެ އެކި ކޮމެޓީތަކުގައި މިހާރުވެސް 20 ބިލެއްގެ މަސައްކަތް ކުރެވެމުންދާކަމަށެވެ. އެތައް ކޮމެޓީއަކަށް ކޮންމެ ދުވަހަކުވެސް ސަރުކާރުގެ މުއައްސަސާތަކުގެ ވެރިންނާއި، ކުންފުނިތައް ހާޒިރުކޮށް، ކުރަންޖެހޭ މަސައްކަތް ކުރަމުންދާކަމަށެވެ.
ކޮންމެ ދުވަހަކު ކޮމެޓީތައް އެބަހިގާ. 20 ބިލުގެ މަސައްކަތް ކުރިއަށް އެބަދޭ. މުއައްސަސާތަކާއި މީޓިންތައް ކުރިއަށްދޭ. ދެން ކޮބައިތޯ މަސައްކަތް ހުސްވެފަ؟ ބޭކާރު ޝޯކުޅެން ނުތިބޭތީ ކަންބޮޑުވެގެން ތިއުޅެނީ. މަޖިލީހަށް ސިފައިން ވެއްދި މިނިސްޓަރު ތިކަހަލަ ވާހަކަ ދެއްކީމާ ލަދު.
– ރޮޒޭނާ ވިދާޅުވިއެވެ.
މަޖިލީހުގެ ދެ ވަނަ ދައުރު މިހާތަނަށް ބޭއްވި ތިން ޖަލްސާގައި ވެސް މިނިސްޓަރުންނާ ސުވާލު ކުރުމަށްފަހު ކުރާނެ އިތުރު މަސައްކަތެއް ނެތިގެން ޖަލްސާތައް ވަނީ ކުރުކޮށްލާފައެވެ. މިކަމާ ގުޅިގެން އިދިކޮޅު ޕީޖީ ގުރޫޕުން މިއަދު ވަނީ ނޫސްވެރިންގެ ބައްދަލުވުމެއް ބާއްވާ އެ ކަމާ ކަންބޮޑުވުން ފާޅުކޮށް، މަޖިލީހުގެ މަސައްކަތްތަކަށް ސަރުކާރުން ހުރަސް އަޅާ ކަމަށް ތުހުމަތު ކޮށްފައެވެ.
މަޖިލިސް މި ދައުރު ފެށިގެން ދިޔައިރު، މަޖިލިސް ރަނގަޅަށް މަސައްކަތް ކުރަމުން ދިޔަ ނަމަވެސް ސަރުކާރުން ބޭނުންވީ ރައްޔިތުންގެ މަޖިލީހާއި ސަރުކާރު އެއްކޮށްލައިގެން މަޖިލީހުގެ އަޑު ކަނޑުވާލަން ކަމަށް އާދަމް ޝަރީފް ވިދާޅުވިއެވެ. އަދި އޭގެ ފަހުން މަޖިލީހަށް އެކިއެކި ފިއްތުންތައް ސަރުކާރުން ކުރިމަތި ކުރުވަމުން އަންނަ ކަމަށް އޭނާ ތުހުމަތު ކުރެއްވިއެވެ.
One Response
ފޮނިއަނގަތަޅަން ތިތިއްބަވާ މެމްބަރުންނާ އަލަށްވަދެތިބިމެމްބަރުން އަޅާކިޔަލަބަލަ ކޮނބަޔަކަށް ގިނައިން ގައުމަށް ޚިދުމަތްކޮށްދެވުނީ މަޖިލިހަށް އަލަށްވަދެތިބީ އެއިގެކުރިން ގައުމަށް ގިނަ ޚިދުމަތްތަކެއް ކޮށްދެއްވާ ދައުލަތާ ސަރުކާ ރަޢިއްޔަތުން ދަސްކުރުމަށްފަހު ފަހާފެކްޓރީއެއްގައި ތިނޯހަށް ރޮދިލައްވަން އިދެފައެއްނޫން