އެމްޑީޕީގެ ޗެއަރޕާސަންގެ މަޤާމަށް އިންތިހާބުވި އިކޮނޮމިކް މިނިސްޓަރ ފައްޔާޒް އިސްމާއިލާއެކު އެމްޑީޕީއަށް އިތުރު ކާމިޔާބީތައް ލިބޭނެކަމާމެދު ޝައްކު ނުކުރައްވާކަމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ. ޗެއަރޕާސަންގެ އިންތިހާބު އިކޮނޮމިކް މިނިސްޓަރ ފައްޔާޟް އިސްމާއިލް ކާމިޔާބުކުރެއްވުމާއި ގުޅިގެން އެމަނިކުފާނަށް މަރުހަބާ ވިދާޅުވެ ކުރެއްވި ޓްވީޓެގައި ނަޝީދު ވިދާޅުވީ ފައްޔާޟްގެ ޗެއަރޕާސަންކަމުގައި އެމްޑީޕީއަށް އިތުރު ކާމިޔާބީތައް ހޯދާނެކަމާމެދު އެމަނިކުފާނުގެ ހިތުގައި ޝައްކެއް ނެތްކަމަށެވެ.
ރައީސް ނަޝީދުގެ ޓްވީޓުގައި ފައްޔާޟްއާ އިންތިހާބުގައި ވާދަކުރެއްވި މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީއަށްވެސް ވަނީ މަރުހަބާ ވިދާޅުވެފައެވެ.
Faya ashai Faya ge campaign team ah adhi Inthi ashai Inthi ge campaign team ah varah bodah marhaba. Faya ge chairperson kamuga MDP ah ithuru kaamiyaabee thah hoadhaanekamee alhuganduge hithuga shakku hingaa kameh noon. https://t.co/dsVh4QcAnU
— Mohamed Nasheed (@MohamedNasheed) May 15, 2022
ރައީސް ނަޝީދުގެ ޓްވީޓާއި ގުޅިގެން ފައްޔާޟް ވަނީ އެމަނިކުފާނަށް ޝުކުރު ދަންނަވާފައެވެ. އަދި ރައީސް ނަޝީދުގެ އެހީތެރިކަމާއި އިރުޝާދާއެކު އެމްޑީޕީން ދާނީ ރާއްޖޭގައި ޑިމޮކްރަސީ ކުރިއަރުވައި، ޤައުމު ތަރައްޤީކުރުމައިގެން ކުރިއަށްކަމަށްވެސް ފައްޔާޟް ވިދާޅުވިއެވެ.
ވާދަވެރި އިންތިހާބަކަށްފަހު އެމްޑީޕީގެ ޗެއަރޕާސަން އިންތިހާބުކުރެއްވުމާއި ގުޅިގެން ރާއްޖޭގެ ސިޔާސީ ދާއިރާގައި ހަރަކާތްތެރިވާ ބޭފުޅުންނާއި ދައުލަތުގެ އިސް މަޤާމުތަކުގައި ތިއްބެވި ބޭފުޅުން ގެންދަވަނީ މިނިސްޓަރ ފައްޔާޟަށް މަރުހަބާ ދަންނަވަމުންނެވެ.
ކޮމެންޓު ފޮނުވާ