އިއްޔެ ބޭއްވި އެމްޑީޕީގެ އެތެރޭގެ އިންތިޚާބުން ފެނިގެން ދިޔައީ އެޕާޓިގެ އެތެރޭގެ ވަރުގަދަ ޑިމޮކްރަސީކަމަށް އައްޑޫ ސިޓީގެ މޭޔަރު ޢަލީ ނިޒާރު ވިދާޅުވެއްޖެއެވެ.
އެމްޑީޕީގެ ޗެއަރޕާސަން ހޮވުމަށް ބޭއްވި އިންތިޚާބުގައި ނިޒާރު ތާޢީދުކުރެއްވީ އިކޮނޮމިކް މިނިސްޓަރ ފައްޔާޒް އިސްމާޢީލަށެވެ. ފައްޔާޒް އިންތިޚާބު ކާމިޔާބުކުރެއްވުމާއި ގުޅިުގެން އަލީ ނިޒާރު ވިދާޅުވީ ފެނި ސާފުވީ އެމްޑީޕީގެ އެތެރޭގެ ވަރުގަދަ ޑިމޮކްރަސީކަމަށާއި، ކުރިއަށް ދާންވީ މަގު އެމްޑީޕީގެ މެންބަރުން ކޮށާދީފައިވާކަމަށެވެ. އޭނާ ވަނީ ގުޅިގެން ހިންގާލެވޭނެކަމަށް ވިދާޅުވެ އިންތިޚާބު ކާމިޔާބުކުރެއްވި ފައްޔާޒާއި، ރޮޒައިނާއަށް މަރުހަބާ ވިދާޅުވެފައެވެ.
Feni Saafu vee @MDPSecretariat ge etheryge varugadha democracy. Kuriyah dhaanvee magu MDP ge memberun e vanee koshaa dheefa. Gulhigen hingaaleveyne.
Maruhabaa @faya_i @Roxeyna.— Ali Nizar (@DhekunuNizar) May 15, 2022
އެމްޑީޕީ ޗެއަރޕާސަން އިންތިޚާބުގައި އއްޑޫ ސިޓީގެ އަޣްލަބިއްޔަތުވެސް ނެގީ ފައްޔާޒް އިސްމާޢީލެވެ. ކުޑަ ތަފާތަކުން ފައްޔާޒް އައްޑޫ ސިޓީން އިމްތިޔާޒްގެ މައްޗަށް ކުރި ހޯދީ 171 ތަފާތަކުންނެވެ.
އެއީ މުޅި އައްޑޫ ސިޓީން ފައްޔާޒަށް 2348 ވޯޓު ލިބިވަޑައިގެންނެވިއިރު، އިމްތިޔާޒަށް ލިބިވަޑައިގަތީ 2177 ވޯޓެވެ.
