އެމްޑީޕީގެ ޗެއަރޕާސަން ހޮވުމަށް ބޭއްވި އިންތިޚާބުގައި ސަރުކާރުގެ ބައެއް ކުންފުނިތައް ބަނގުރޫޓު ވާވަރުވެފައިވާކަމަށް ޕީއެންސގެ ނާއިބު ރައީސް އަދި މަޑުއްވަރީ ދާއިރާގެ މެންބަރު އާދަމް ޝަރީފް ވިދާޅުވެއްޖެއެވެ.
އިއްޔެ ބޭއްވި އެމްޑީޕީގެ އެތެރޭގެ އިންތިޚާބުގައި ވަދަވެރިންނާއި މި އިންތިޚާބުގައި ވާދަކުރެއްވި މާފަންނު އުތުރު ދާއިރާގެ މެންބަރު އިމްތިޔާޒް ފަހުމީގެ ޓީމުންވެސް އެންމެ ބޮޑަށް ކުރީ ކޮރަޕްޝަނާއި ދައުލަތުގެ ވަސީލަތް ފައްޔާޒގެ ކެމްޕެއިނަށް ބޭނުންކުރާކަމުގެ ތުހުމަތެވެ.
އިންތިޚާބާއި ގުޅޭގޮތުން އާދަމް ޝަރީފް ވިދާޅުވީ އެމްޑީޕީގެ ޗެއަރޕާސަން އިންތިޚާބުގައި ސަރުކާރުގެ ބައެއް ކުންފުނިތައް ބަނގުރޫޓް ވާވަރުކޮށްފައިވާކަަމަށާއި، މިކަން ތަކުރާރުވާނަމަ ރާއްޖެ ބަނގުރޫޓް ވުމުގެ އިތުރުން އިންތިޚާބުތަކުގެ އިތުބާރު ގެއްލި ރައްޔިތުން ވޯޓުލާން ނިކުތުން މަދުވާނެކަމަށެވެ. އާދަމް ޝަރީފް ވަނީ ކުންފުނިތަކުގެ އޮޑިޓެއް އަވަށް ހެދުމަށް ގޮވާލައްވާފައެވެ.
MDP ge chairperson hovumah beyvvi Inthihaabugai sarukaaruge baeh kunfunithah banguroot vaavarukoffi.Mikan thakuraaruvaanama, Raajje banguroot vumuge ithurun inthikhaabuthakuge ithubaaru gelli, rayyithun vote laan nikuthun madhuvedhaane! Kunfunithakuge audit eh avahah hadhanjehey!
— Adam Shareef Umar (@Adamshareefz) May 15, 2022
އާދަމް ޝަރީފް މިހެން ވިދާޅުވެފައިވާއިރު، އެމްޑީޕީ ޗެއަރޕާސަން އިންތިޚާބުގެ ކެމްޕެއިންގައި އަތޮޅުތަކުގައި ދައުލަތުގެ ވަސީލަތް ފައްޔާޒްގެ ޓީމުން ބޭނުންކުރާކަމުގެ ޝަކުވާ ބޮޑުވިއެވެ.
ޚާއްޞަކޮށް ފެނަކައިގެ މުވައްޒަފުން ފައްޔާޒަށް ވޯޓުލުމަށާއި، ކެމްޕެއިންގައި ބައިވެރިވުމަށް މަޖުބޫރުކުރަކަމަށް އިންތިގެ ޓީމުން ތުހުމަތުކުރިއެވެ. އަދި ފެނަކައާއި އާރުޑީސީފަދަ ބައެއް ކުންފުނިތަކުގެ ވަސީލަތްވެސް ކެމްޕެއިނަށް ބޭނުންކުރިކަމަށް އިންތިގެ ޓީމުން ތުހުމަތުކޮށްފައިވެއެވެ.
ކޮމެންޓު ފޮނުވާ