ބައެއް ހާލަތްތަކުގައި ސިޔާސީ ޕާޓީތަކުގެ އެތެރޭގެ މަސްލަހަތުތަކަކީ މުޅި ޤައުމުގެ ރައްޔިތުންގެ މަސްލަހަތާއި ގުޅުންހުރި ކަންކަންކަމަށް ހޯމް މިނިސްޓަރ އަދި މިސަރުކާރުގެ ކޯލިޝަން ބައިވެރިޔާ އަދާލަތުގެ ރައީސް ޝައިޚް އިމްރާން ޢަބްދުﷲ ވިދާޅުވެއްޖެއެވެ.
އެމްޑީޕީ ޗެއަރޕާސަން އިންތިޚާބުގައި އިކޮނޮމިކް މިނިސްޓަރ ފައްޔާޒް އިސްމާޢީލަށް ލިބިވަޑައިގެންނެވި ކާމިޔާބީއަށް މަރުޙަބާ ދަންނަވައި ޝައިޚް އިމްރާން ކުރެއްވި ޓްވީޓްގައި ވިދާޅުވީ ރައީސް އިބްރާހީމް މުޙައްމަދު ޞާލިޙާއެކު ކޯލިޝަން ޕާޓީތައް އެކުގައި މަސައްކަތްކޮށް ޤައުމާއި ރައްޔިތުންނަށް ހެޔޮ ގޮތްތަކެއް ހޯދައިދޭނެކަމަށެވެ.
Baeh haalaiy thakugai siyāsy party thakuge ethereyge maslahathu thakaky mulhi qauma rayyithunge maslahathā gulhun huri kan kan.
Iraadha kurevviyya RJ @ibusolih aa eku coalition partythah ekugai masakkaiy koh qauma rayyithunnah heyo goiythah hoadheyne. Maruhaba @faya_i adhi MDP.— Imran Abdulla (@ShimranAb) May 14, 2022
ވާދަވެރި އިންތިޚާބަކަށްފަހު މިނިސްޓަރ ފައްޔާޟް އިންތިޚާބު ކާމިޔާބުކޮށްފައިވާކަމަށް ވަގުތީ ނަތީޖާތަކުން ދައްކައެވެ. ފައްޔާޟް މި އިންތިޚާބުގައި ވާދަކުރެއްވީ މާފަންނު އުތުރު ދާއިރާގެ މެންބަރު އިމްތިޔާޒް ފަހުމީއާއެވެ.
އެމްޑީޕީގެ ޗެއަރޕާސަންގެ އިންތިޚާބު ކާމިޔާބުކުރެއްވިއްޖެކަން ޔަޤީންވުމާއެއެކު ފައްޔާޒް ވަނީ އެމްޑީޕީގެ މެންބަރުން މިއަދު ދިން ވޯޓަކީ މެންބަރުން އެދުނު ގޮތަށް ޕާޓީ ހިންގާލާ، އެމްޑީޕީއާއި ސަރުކާރާ އެއްކޮށް 2023 ވަނަ އަހަރުގެ ރިޔާސީ އިންތިހާބު ކާމިޔާބުކުރުމަށް ދިން ވޯޓެއްކަމަށް ވިދާޅުވެފައެވެ. ފައްޔާޟް ވަނީ އެކަމުގައި ދެގޮތެއް ނުވެ ހުންނަވާނެކަމަށް ވިދާޅުވެފައެވެ.
މި އިންތިޚާބުގެ ކެމްޕެއިންގައި އިންތިއާއި އޭނަގެ ޓީމުން އައީ ސަރުކާރަށް ފާޑުވިދާޅުވަމުންނެވެ. ޚާއްޞަކޮށް ކޯލިޝަން ޕާޓީތައް ދުރުކުރުމަށްވެސް ގޮވާލާފައިވެއެވެ.
