އެމްޑީޕީ ޗެއަރޕާސަން އިންތިޚާބުގެ ބަހުސްގައި ވާދަވެރި ކެނޑިޑޭޓްގެ ޒާތީ އެއްވެސް ކަމަކާއި ނުބެހި އިހްތިރާމްކޮށްފައިވާކަމަށް ވިދާޅުވެ އާރުޑީސީގެ މެނޭޖިންގ ޑިރެކްޓަރ މޫސާ އަލި މަނިކު (ވަޑިމޫކެ)، އިކޮނޮމިކް މިނިސްޓަރ ފައްޔާޒް އިސްމާޢީލަށް ތަޢީދުކޮށްފިއެވެ.
އިމްތިޔާޒް ފަހުމީއާއި ފައްޔާޒް ވާދަކުރައްވާ މި އިންތިޚާބުގައި އިންތިގެ ކެމްޕެއިން ޓީމުން އެންމެ ބޮޑަށް ކުރާ އެއް ތުހުމަތަކީ ފައްޔާޒްގެ ކޮރަޕްޝަންގެ މައްސަލަތަކެވެ. މިކަމާއި ފައްޔާޒްގެ ޓީމުން އަންނަނީ ނުރުހުން ފާޅުކޮށް، އެންޓި ކެމްޕެއިން ނުކުރުމަށް އިލްތިމާސްކުރަމުންނެވެ.
ރޭގެ ބަހުސްކުރިއަށްދިޔަގޮތާއި ގުޅޭގޮތުން މޫކޭ ވިދާޅުވީ، މިނިސްޓަރ ފައްޔާޒްގެ އެންމެ ފާހަގަވީ ސަޅިކަމަކީ ހިނދުކޮޅަކަށްނަމަވެސް ވާދަވެރި ކަނޑިޑޭޓުގެ އަބުރަށާއި، ޒާތީ އަދި އާއިލާއާއި ނުބެހި އިޙްތިރާމް ދީގެން ބަހުސް ނިންމާލުންކަމަށެވެ.
Mireyge bahusga @faya_i ge emme faahagavee salhi kamakee hindhu kolhakah namaves vaadhaveri Candidate ge aburah, zaathah adhi aailaa aa nubehi ihthiraam dheegen bahus nimmaalun. Varah nala ????#MDPhingaalan#MDPehkohkuriyah#Faya4CP pic.twitter.com/RrVzYzrcqR
— Moosa Ali Manik ???????? (@VMookey) May 11, 2022
ރާއްޖެޓީވީން ކުރިއަށްގެންދިޔަ ބަހުސްގައި ވާހަކަފުޅު ދައްކަވަމުން އިމްތިޔާޒު ފަހުމީ ވިދާޅުވީ، 2023 އިންތިޚާބު އެމްޑީޕީން ކާމިޔާބު ކުރަންޖެހޭ ކަމަށެވެ. އެކަމަށްޓަކައި މިހާރު ކުރަން ޖެހޭ އެންމެ މުހިންމު ކަމަކީ، ޕާޓީއާ މެދު ގެއްލެމުންދާ އިތުބާރު ހޯދުން ކަމަށެވެ. އަލުން އަނބުރާ ކުރީގެ ރޫހު ޕާޓީއަށް ގެންނަން ޖެހޭ ކަމަށް އިންތި ވިދާޅުވިއެވެ. އެމްޑީޕީން ވެފައިވާ ވައުދުތައް ފުއްދަން ޖެހޭ ކަމަށް އިންތި ވިދާޅުވިއެވެ. އިކޮނޮމިކް މިނިސްޓަރާ ހަވާލު ކުރެވިފައިވާ މަސްއޫލިއްޔަތު އަދާކުރާނަމަ އެމްޑީޕީން ވެފައިވާ ވައުދުތައް ފުއްދުން އަވަސްވެގެންދާނެ ކަމަށް ވިދާޅުވެ އިންތިވަނީ އިކޮނޮމިކް މިނިސްޓަރ ފައްޔާޒު އިސްމާއީލަށް ރައްދު ދެއްވާފައެވެ.
މިނިސްތަރ ފައްޔާޒް ވިދާޅުވީ، ޕާޓީގެ ތެރޭގައި އުފެދިފައިވާ ފިތުނަ ނައްތާލަން ޖެހޭކަމަށެވެ. އެ ފިތުނަ ނައްތާލައި 2023 ކާމިޔާބު ކުރުމަށް މަސައްކަތް ކުރަން ޖެހޭ ކަމަށެވެ. ފައްޔާޒު ވިދާޅުވީ، ހުރިހާ ބާވަތެއްގެ ފިތުނައާއި ފަސާދަ ނައްތާލަން ޖެހޭ ކަމަށާއި، 2023 ކާމިޔާބު ކުރުމަށް ގެއްލިފައިވާ އިތުބާރު އަނބުރާ ގެންނަ ޖެހޭ ކަމަށެވެ. ފައްޔާޒު ވިދާޅުވީ، ޕާޓީގެ ތެރޭގައި ވަކި ބަޔަކު ބޭނުން ގޮތަކަށް ކުރާ ކަންކަން ހުއްޓުވަން ޖެހޭ ކަަމަށެވެ.
ޗެއަރޕާސަން އިންތިޚާބު އޮންނާނީ އަންނަ ހޮނިހިރު ދުވަހުއެވެ.
ކޮމެންޓު ފޮނުވާ