ރަތަފަންދޫގެ ރައްޔިތުންނަށް ހުރިހާ ސަރުކާރަކުންވީ ވަޢުދު ފުއްދުމުގެ ޢަމަލީ މަސައްކަތް މިސަރުކާރުން ފަށާފައިވާކަމަށް ވިދާޅުވެ، މޯލްޑިވްސް ތްރޭޑް ޔޫނިއަންގެ ނާއިބު ރައީސް ސަޢުދުﷲ އަޙްމަދު ސަރުކާރަށް ޝުކުރު އަދާކުރައްވައިފިއެވެ. ރަތަފަންދޫގެ ތަރައްޤީއަށް މީގެ ކުރިން މާބޮޑު މަސައްކަތެއްނުކުރެވި އެކަހެރިވެފައި އޮތުމަކީ އެރަށުގެ ރައްޔިތުންގެ ވަރަށް ބޮޑު ކަންބޮޑުވުމެކެވެ. ނަމަވެސް މިސަރުކާރުން އެރަށަށް ދިމާވެފައިވާ އެންމެ ބޮޑު މައްސަލަކަމަށްވާ ރަށްގިރުމުގެ މައްސަލަ ހައްލު ކޮށްދިނުމުގެ މަސައްކަތް ފެށުމުން ސައުދުވަނީ އެކަން ފާހަގަކުރައްވާފައެވެ.
ސައުދު ވިދާޅުވީ މިއަދަކީ ރަތަފަންދޫގެ ރައްޔިތުންގެ ހުރި ހާސްކަމާއި، ދިގު މާޒީގައި ލިބެމުންދިޔަ ހިތްދަތި ކަމަށް އުއްމީދީ ދުވަހެއްކަމަށެވެ. މިއީ އުފާވެރިކަން ރައްޔިތުންނަށް ގެނެސްދިން ދުވަހެއްކަން ފާހަގަކުރައްވާ ސައުދު ވަނީ ރައީސް މައުމޫންގެ ވެރިކަމުން ފެށިގެން އައި ކޮންމެ ވެރިކަމެއްގައި ވަމުންދިޔަ ނަމަވެސް ނުފުއްދި ވައުދު ފުއްދުމުގެ އުވާފެރި ދުވަހެއްގެ ގޮތުގައި ސިފަކުރައްވާފައެވެ. ސައުދު ވިދާޅުވީ މިއަދަކީ ގިރާ ސަރަހައްދުގެ މަސައްކަތް ރައީސް އިބްރާހީމް މުޙައްމަދު ޞާލިޙްގެ ވައުދާ އެއްގޮތަށް ރަނުން ރަނަށް ފުއްދުމުގެ އަމަލީ މަސައްކަތް ފެށުމަށް އެމްޓީސީސީގެ ސީއީއޯ އާދަމްއާޒިމް ރަތަފަންދޫއަށް ވަޑައިގެން ރައްޔިތުންގެ ކަންބޮޑުވުމަށް ނިމުމެއް ގެނެސްދެއްވުމަކުގެ ޔަޤީންކަން ދެއްވި ދުވަސްކަމަށެވެ.
Giraa sarahadhu masahkah Raees @ibusolih vaudhaa ehgothah Ranun Ranah fudhumuge Amalee masahkah frttumah MTCC ge kulhadhana hinguntheri CEO @adamazim rathafandhoo ah vadaing Rahiythunge kan boduvumah nimumeh genes dheyne kamuge yaqeen kan dhing dhuvas.@KhabaruOnline @rasonlinemv
— Saudulla Ahmed (@saudullaahmed1) May 10, 2022
ގދ.ރަތަފަންދޫ ގޮނޑުދޮށް ހިމާޔަތް ކުރުމުގެ މަޝްރޫއު އެމްޓިސީސީއާއި ހަވާލުކޮށްފައިވަނީ މިދިޔަ އޭޕްރީލް މަހުގެ 11ގައެވެ.
210 ދުވަސް ތެރޭ ނިންމުމަށް ހަވާލްކޮށްފައިވާ މި މަސައްކަތުގެ ދަށުން 461 މީޓަރުގެ ސަރަހައްދެއްގައި ރިވެޓްމަންޓް ޖެހުމާއި 240 މީޓަރުގެ ސަރަހައްދެއްގައި ބޭރުތޮށި ލުމާއި 6،600 ކިއުބިކް މީޓަރުގެ ވެލި ގޮނޑުދޮށަށް އެޅުމުގެ މަސައްކަތް ހިމެނޭ ކަމަށް އެމްޓީސީސީން ވަނީ ބުނެފައެވެ.
ގދ.ރަތަފަންދޫ ގޮނޑުދޮށް ހިމާޔަށް ކުރުމުގެ މަޝްރޫއަކީ 27.84 މިލިއަން ރުފިޔާގެ މަޝްރޫއެކެވެ.
