ވިލިމާލޭގެ ހުސްވެފައިވާ އަންހެނުންގެ ކޮމެޓީގެ ގޮޑިއަށް ވާދަކުރާ ޕީޕީއެމްގެ ކެނޑިޑޭޓް ފާތިމަތު ނާޒިމާގެ ކެމްޕެއިންގައި ރައީސް ޔާމީން ބައިވެރިވާ ބޮޑު އިވެންޓުގައި އަންގާރަ ދުވަހު ބޭއްވުމަށް ހަމަޖެހިއްޖެއެވެ.
ޕީޕީއެމް އިން ބުނެފައިވަނީ މިއިވެންޓު ބޭއްވުމަށް ހަމަޖެހިފައިވަނީ އަންގާރަ ދުވަހުގެ ހަވީރު 15:45 ގައި ވިލިގިނލީ ފާތުންގެ ކެމްޕެއިން ޖަގަހަ ކުރިމަތީގައިކަމަށެވެ. ފާތުންގެ ކެމްޕެއިން ހަރަކާތްތައް ވިލިމާލޭގައި ބާރަށް ކުރިއަށް ގެންދާއިރު، އިއްޔެ ވަނީ މާލެ ސިޓީ ކައުންސިލް މޭޔަރާއި، ކައުންސިލަރުން ހިމެނޭހެން ޑޯޑުޑޯގެ ޚާއްސަ ހަރަކާތްތަކެއްވެސް ކުރިއަށް ގެންގޮސްފައެވެ.
Raees Yameen baiverive vadaigannavaa Villimale dhaairaage PPM WDC candidate Fathimath Nazima (candidate no 1) ge khaasa campaign jalsaa ah dhauvathu aruvan. #VotePPM#MeeMageyRaajje#VoteRukah#VoteFathun pic.twitter.com/BGAD2h9uUu
— Progressive Party of Maldives (@ProgressPartyMV) May 8, 2022
އަންނަ އަންގާރަ ދުވަހު ބާއްވާ މި އިންތިޚާބުގައި ވޯޓު ލެވޭ މީހުންގެ ފައިނަލް ވޯޓާސް ލިސްޓު އިލެކްޝަން ކޮމިޝަނުން ވަނީ މިއަދު އާންމުކޮށްފައެވެ. އިލެކްޝަންސް ކޮމިޝަނުން ޢާންމުކޮށްފައިވާ ފައިނަލް ލިސްޓުގައިވާގޮތުން މި އިންތިޚާބުގައި ވޯޓުދިނުމުގެ ޙައްޤު 2900 މީހަކަށް ވަނީ ލިބިފައެވެ. މި އިންތިޚާބުގައި ޖުމްލަ 6 ވޯޓު ފޮށްޓެއް ބެހެއްޓުމަށް އިލެކްޝަންސް ކޮމިޝަނުން ވަނީ ނިންމާފައެވެ. މި ހުރިހާ ފޮށްޓެއްވެސް ބެހެއްޓުމަށް ހަމަޖެހިފައިވަނީ ވިލިމާލެ މުޙްޔިއްދީން ސްކޫލުގައެވެ.
ބައި-އިލެކްޝަންގައި ވޯޓުފޮށި ބަހައްޓަން ހަމަޖެހިފައިވާ ތަންތަނުގެ ތެރެއިން މާލެ އަދި ހުޅުމާލޭގައި ވޯޓުލުމަށްޓަކައި ރަޖިސްޓަރީވުމަށް ހުޅުވާލި ފުރުޞަތު ހަމަވިއިރު ވޯޓުފޮށި ބެހެއްޓޭ އަދަދަށް ވޯޓުލުމަށް މީހުން ރަޖިސްޓަރީވެފައިނުވާތީ، މާލެ އަދި ހުޅުމާލޭގައި ވޯޓުފޮށި ނުބަހައްޓާ ގޮތަށް އިލެކްޝަންސް ކޮމިޝަނުން ވަނީ ނިންމާފައެވެ.
އަންނަ ހޮނިހިރު ދުވަހު ބޭއްވުމަށް ހަމަޖެހިފައިވާ ވިލިމާލެ ދާއިރާގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަނުގައި ވޯޓުދިނުމުގެ ޙައްޤު ލިބިފައިވާ މީހުންގެ ފައިނަލް ރަޖިސްޓަރީގައި ކެންޑިޑޭޓުން ނުވަތަ ކެންޑިޑޭޓުން ކަނޑައަޅާ ފަރާތްތަކުން ސޮއިކުރުމުގެ ފުރުޞަތު ބުދަ ދުވަހު ހެނދުނު 10:00 އިން މެންދުރު 14:00ގެ ނިޔަލަށް ވަނީ ހުޅުވާލާފައެވެ. ކެންޑިޑޭޓުން ސޮއިކުރުމަށް ހަމަޖެހިފައިވަނީ އިލެކްޝަން ކޮމިޝަނުގެ މައި އިދާރާގައި (ޕީ.އޭ ކޮމްޕްލެކްސް) ގައެވެ.
ވިލިމާލެ ދާއިރާގެ އަންހެނުންގެ ތަރައްގީއަށް މަސައްކަތްކުރާ ކޮމެޓީގެ މެމްބަރުކަމުގެ ގޮނޑި ހުސްވެފައިވަނީި ކުރިން އެމަގާމުގައި ހުންނެވި އެމްޑީޕީގެ އައިމިނަތު އީމާން ނިޔާވުމުންނެވެ. އީމާން ނިޔާވެފައިވަނީ މިދިޔަ ފެބްރުއަރީ މަހު ހިނގި ނުރައްކާތެރި އެކްސިޑެންޓެއްގައި ލިބުނު އަނިޔާތަކަށް ފަރުވާ ދެމުންދަނިކޮށް އޭޑީކޭ ހޮސްޕިޓަލުގައެވެ.
