ގދ. ތިނަދޫ އިސްލާމީ މަރުކަޒުގެ މަރާމާތުގެ މަސައްކަތްތައް އެމްޓީސީސީން ފަށައިފިއެވެ. އެކުންފުނިން ބުނީ އިސްލާމީ މަރުކަޒު މަރާމާތުގެ މަސައްކަތް މިމަހުގެ 5ވަނަ ދުވަހު ފަށާފައިވާކަމަށެވެ.
ގދ. ތިނަދޫ އިސްލާމީ މަރުކަޒުގެ މަރާމާތުގެ މަސައްކަތްތައް 05 މެއި 2022 އިން ފެށިގެންދަނީ ކުރެވެމުން.#MTCCProjects #RayyithungeKunfuni pic.twitter.com/zICmdzO03y
— MTCC Plc (@MTCCPlc) May 7, 2022
ތިނަދު އިސްލާމީ މަރުކަޒު ހުޅުވާފައިވަނީ ސެޕްތެމްބަރ 2018ގައެވެ.
ތިނަދޫގައި ބިނާކޮށްފައިވާ އިސްލާމީ މަރުކަޒަށް 34.4 މިލިއަން ރުފިޔާ ޚަރަދުވެފައިވާއިރު، މިސްކިތް ބިނާކުރެއްވުމަށް ސައުދީ އަރަބިއްޔާގެ ރަސްގެފާނު ސަލްމާން ބިން އަބްދުލް އަޒީޒްގެ ހިލޭ އެހީއާއި، ދިވެހި ސަރުކާރުގެ ބަޖެޓުން ޚަރަދުކޮށްފައިވެއެވެ.
އިސްލާމިކް މިނިސްޓްރީގެ ސަރަހައްދީ އޮފީސްވެސް ހިމެނޭ އެ މަރުކަޒު އަޅާފައިވަނީ ތިނަދޫ ހުޅަނގު ފަރާތު ހިއްކި ބިމުގައެވެ. އެ ބިމަކީ 60،000 އަކަފޫޓުގެ ބޮޑު ބިމެކެވެ.
ދެބުރިއަށް އިމާރާތްކޮށްފައިވާ ތިނަދޫ އިސްލާމީ މަރުކަޒަކީ 1000 މީހުންނަށް ނަމާދުކުރެވޭ ވަރުގެ މިސްކިތަކާއި، 500 މީހުންނަށް އެއްފަހަރާ ޖަލްސާ ކުރެވޭވަރުގެ މާލަމަކާއި، ހަތަރު ކުލާސްރޫމާއި، އޮފީހަކާއި، ލައިބްރަރީއެއް ހިމެނޭ ގޮތަށް ބިނާކޮށްފައިވާ އިމާރާތެކެވެ.
ކޮމެންޓު ފޮނުވާ