އަފްއާނިސްތާންގެ އަންހެނުން އާންމު ތަންތަނުގައި އުޅޭއިރު މޫނު ބުރުގާ އަޅައިގެން އުޅުމަށް، އަފްއާނިސްތާނު ރޫހާނީ ލީޑަރު އަދި، ތާލިބާން ޖަމާއަތުގެ ވެރިޔާ، ހޮނިހިރު ދުވަހު އަމުކޮށްފިއެވެ. މިއީ އައާނިސްތާން ތާލިބާން ޖަމާއަތުގެ ބާރުގެ ދަށަށް އައިފަހުން، އެގައުމުގެ އަންނެހުން އަމަލުކުރުމަށް އެޖަމާއަތުން މިހާތަނަށް އަންގާފައިވާ އެންމެ ހަރުކަށި އުސޫލެވެ.
"އެމީހުން އުޅެން ޖެހޭނީ މޫނު ބުރުގާ އަޅައިގެން، އެއީ އާދައަކީވެސް އަދި އިހުތިރާމް ލިބިގެންވާ ގޮތަކީވެސް،" ހައިބަތުﷲ އަޚުންޒާދަ ނެރުއްވާފައިވާ ފަތުވާގައި ބުނެފައި ވެއެވެ. މި ފަތުވާ ތާލިބާންގެ މުވައްސަސާތަކުން އާންމު ކޮށްފައިވަނީ، ވެރިރަށް ކާބުލްގައި އޮތް ރަސްމިއްޔާތެއްގައެވެ.
"މަހުރަމަކަށް ނުވާ މީހުންނާއި ބައްދަލު ކުރާއިރު، ރަގަޅު ނޫން ކަންކަމަށް ހުށަހެޅިގެންދިޔަ ނުދިނުމުގެ ގޮތުން، އުމުރުން އެހާ ދުވަސް ނުވާ އަންހެނުންނާއި، އަދި އެހާ އުމުރުން ހަނގު ނޫން އަންހެނުން އުޅެންޖެހޭނީ، އިސްލާމީ ޝަރީއަތުގައި ވާގޮތަށް، މޫނުގެ ދެލޯ ނޫން އެހެން ހުރިހާ ތަނެއް ފޮރުވައުގެން (މޫނު ބުރުގާ އަޅައިގެން)، މި ފަތުވާގައި ބުނެފައި ވެއެވެ.
އޭގެ އިތުރަށް މި ފަތުވާގައި ބުނެފައިވަނީ، ގެއިން ބޭރުގައި ކުރާނެ މުހިންމު މަސައްކަތެއް ނެތްކަމުގައި ވާނަމަ، "ރަގަޅީ އަންހެނުން ގޭގައި ތިބުން" ކަމުގައެވެ.
ތާލިބާން ޖަމާއަތުން 1996 އަހަރުން 2001 ވަނަ އަހަރާއި ހަމައަށް އަފްއާނިސްތާނުގައި ވެރިކަން ކުރިއިރުވެސް، އަފްއާނިސްތާނުގައި ތާލިބާން ޖަމާއަތުން ވަނީ އަންހެނުންގެ މައްޗަށް ހަރުކަށި އުސޫލުތައް ތަންފީޒު ކޮށްފައެވެ.
