އެމްޑީޕީގެ ޗެއަރޕާސަން އިންތިޚާބު ކާމިޔާބު ކުރެވިއްޖެނަމަ އެންމެ ފުރަތަމަ ކުރައްވާނެ އެއްކަމަކީ އެޕާޓީގެ އިސްލާމީ މަޝްވަރާގެ މަޖިލީހުގެ އިންތިހާބު ބޭއްވުންކަމަށް އިންތިޚާބުގައި ވާދަކުރައްވާ އިކޮނޮމިކް މިނިސްޓަރ ފައްޔާޒް އިސްމާޢީލް ވިދާޅުވެއްޖެއެވެ.
ރޭ ރ.ދުވާފަރުގައި ވާހަކަފުޅު ދައްކަވަމުން ފައްޔާޒް ވިދާޅުވީ، މެއި 14 ވަނަ ދުވަހު އިންތިހާބުވެގެން އެ ޕާރޓީގައި ވީނުވީއެެއް ނޭނގި ގެެއްލިފައިވާ އިސްލާމީ މަޝްވަރާގެ މަޖިލީހުގެ އިންތިހާބު ބާއްވާނެކަމަށެވެ. ދީނީ ހަމަތަކުގެ މަތިން އެ ޕާރޓީ ހިންގާނެކަމަށްވެސް ފައްޔާޒް ވިދާޅުވިއެވެ.
މޭ 14 ވަނަ ދުވަހު އިރާދަ ފުޅާއެކު އިންތިހާބު ވެގެން މި ޕާރޓީ ގައި ވީނުވީ އެެއް ނޭގި ގެެއްލިފައިވާ އިސްލާމީ މަޝްވަރާ ގެ މަޖިލީހުގެ އިންތިހާބު ބާއްވާނަން. ދީނީ ހަމަތަކުގެ މަތިން މި ޕާރޓީ އަޅުގަނޑު ހިންގާނަން – @faya_i #MDPhingaalan pic.twitter.com/OeMvSI7qw9
— Hussain Shafiu #MDPhingaalan (@charly_thuthu) May 3, 2022
އެމްޑީޕީގެ ޗެއާޕާސަން އިންތިޚާބު މިމަހުގެ 14 ވަނަ ދުވަހު ބޭއްވުމަށް ހަމަޖެހިފައިވާއިރު، މިއިންތިޚާބުގައި އިކޮނޮމިކް މިނިސްޓަރ ފައްޔާޟު ސަރުކާރުގެ ނުފޫޒާއި ބާރުގެ ބޭނުން ކުރާކަމަށް އިންތިގެ ޓީމުން ދަނީ ތުހުމަތު ކުރަމުންނެވެ. އަދި ކަން ބެލުމަށް އެމްޑީޕީގެ ކަމާއިބެހޭ ކޮމެޓީއަށް ހުށަހެޅުުން ނިންމާފައިވަނީ، އިންތިޚާބަށް ނުފޫޒު ފޯރުވާކަމަށެވެ.
ނަމަވެސް ފައްޔާޟުގެ ޓީމުން ވަނީ މިއީ ކަނޑައެޅިގެން ދޮގުވާހަކަތަކެއްކަމަށް ބުނެފައެވެ. މިއިންތިޚާބުގެ ވާދަވެރިކަން ބޮޑުވެފައިވަނީ މިއީ ކުރިއަށް އޮތް ރިޔާސީ އިންތިޚާބުގައި އެމްޑީޕީން ނެރޭނެ ކެނޑިޑޭޓެއްވެސް ސާފުވާނެ އިންތިޚާބަކަށް ވުމުންނެވެ.
ކޮމެންޓު ފޮނުވާ