އަކްޝޭ ކުމާރުގެ ކެރިއަކުގައި ކުޅޭ އެންމެ ހާއްސަ އެއް ފިލްމު ކަމުގައިވާ "ރާމް ސެތޫ" ގެ ފުރަތަމަ "ލުކް" ދައްކާލައިފިއެވެ.
އާކިއަލޮޖިސްޓެއްގެ ރޯލުން އަކްޝޭ ފެންނަ މި ފިލްމްގައި އޭނާ ފެނިގެން ދަނީ ދިގު އިސްތަށިގަނޑަކާއި ނަމްބަރު އައިނަކާ ވެސް އެކުގައެވެ.
މި ފިލްމުގެ ވާހަކަ ސޯޝަލް މީޑިއާގައި ހިއްސާކޮށް އަކްޝޭ ބުނީ މިއީ ކެރިއަރުގެ އެންމެ ހާއްސަ އެއް ފިލްމު ކަމަށެވެ.
"ދަ ޒޯޔާ ފެކްޓާ" އާއި "ތޭރޭ ބިން ލާދިން" ފަދަ ފިލްމުތައް ގެނެސްދިން އަބީޝެކް ޝަރުމާ ޑައިރެކްޓްކުރާ "ރާމް ސެތޫ" އިން އަކްޝޭ އާއެކުގައި ފެނިގެން ދާނީ ޖެކޮލިން ފެރްނާންޑޭޒް އާއި ނުޝްރަތު ބަރޫޗާއެވެ.
A glimpse into the world of #RamSetu.
In cinemas Diwali, 2022. pic.twitter.com/uZ9vIBFB9Z
— Akshay Kumar (@akshaykumar) April 28, 2022
ފިލްމުގެ ފަސްޓް ލުކާއެކު ފިލްމު ނެރުމަށް ތައްޔާރުވަމުންދާ ތާރީހްވެސް ވަނީ ހާމަކޮށްފައެވެ. އެގޮތުން ފިލްމު އެޅުވުމަށް ހަމަޖެހިފައިވަނީ މިއަހަރުގެ ދިވާލީ ފެސްޓިވަލާއި ދިމާކޮށެވެ.
އަކްޝޭ ސޮއިކޮށްފައިވާ ފިލްމުތަކުގެ ތެރޭގައި އޭނާގެ "މިޝަން މަންގަލް" ހެދި ޑައިރެކްޓަރު ޖަގަން ޝަކްތީގެ ސުޕަހީރޯ ފިލްމު "މިޝަން ލަޔަން" އާއި "އަތުރަންގީ ރޭ"ގެ ޑައިރެކްޓަރު އާނަންދު އެލް ރާއީގެ "ރަކްޝާބަންދަން" ހިމެނެ އެވެ.
