މޯލްޑިވްސް ޕޮލިސް ސާވިސްގެ އެދުމަށް މި މަހު ހަތަރުވަނަ ދުވަހު ބާއްވަން ތާވަލުކުރި އެމްޓީސީސީ ބައިބަލާ ޗެލެންޖު ފަސްކޮށްފިއެވެ.
ބައިބަލާ މުބާރާތް ފަސްކޮށްފައިވަނީ ބައިބަލާ އެސޯސިއޭޝަނުން ރޭ ފުލުހުންނާއެކު ބޭއްވުނު ބައްދަލުވުމަށްފަހު ފުލުހުންގެ އެދުމުގެ މަތީންނެވެ. ނަމަވެސް މުބާރާތް ދެން ފަށާނެ ތާރީޚެއް އަދި އިއުލާންކޮށްފައިނުވެއެވެ. ބައިބަލާ މުބާރާތް ފަސްކޮށްފައިމިވަނީ މި މުބާރާތުގެ ގުރުލުން ބާއްވާ މުބާރާތައް ޓީމުތަކުން އެންމެ ފަހުގެ ތައްޔާރީތައް ވަމުން ދަނިކޮށެވެ. މި މުބާރާތުގެ މެޗުތައް ކުޅެވިގެންދާނީ ނޮކްއައުޓް އުސޫލުން ކަމަށް ބައިބަލާ އެސޯސިއޭޝަނުން ބުނެއެވެ.
މި މުބާރާތުގެ ޗެމްޕިއަން ޓީމަށް އެއްލައްކަ ރުފިޔާގެ ފައިސާގެ އިނާމެއް ކަނޑައެޅިފައިވާއިރު ރަނަރަޕް ޓީމަށް ސާޅީސް ހާސް ރުފިޔާގެ ފައިސާގެ އިނާމެއް ވަނީ ކަނޑައަޅާފައެވެ. މީގެ އިތުރުން މިސްޓާ ބައިބަލާ އާއި ފެއާޕްލޭ ޓީމަށް ފައިސާގެ އިނާމާއި އެވޯޑް ދިނުމަށް ވަނީ ނިންމާފައެވެ.
ބައިބަލާ އެސޯސިއޭޝަނުން ބުނީ މި އަހަރުގެ މުބާރާތުގައި 34 ޓީމް ވާދަކުރާނެ ކަމަށެވެ. ޖުމްލަ 1،000 ކުޅުންތެރިން ފެންނާނެއެވެ. މުބާރާތް ކުރިއަށް ދާނީ މި މަހުގެ ތިންވަނަ ދުވަހުން ފެށިގެން ހަތްވަނަ ދުވަހުގެ ނިޔަލަށް ދޮންގަނޑު ބީޗްގައެވެ.
