ބޮޑުތިލަދުންމަތިން ބޭނުންވަނީ އެމްޑީޕީ ހިންގާލަން ކަމުގައި ކަށަވަރު ވެފައިވާކަމަށް އެމްޑީޕީގެ އަންހެނުންގެ ރޫހުގެ ރައީސާކަމަށް ވާދަ ކުރައްވާ އައްޑޫ މީދޫ ދާއިރާގެ މެމްބަރު ރޮޒޭނާ އާދަމް ވިދާޅުވެއްޖެއެވެ.

ޢީދު ބަންދުގައި ބޮޑު ތިލަދުން މައްޗަށް ކުރި ދަތުރުގައި ވަނީ އެއަތޮޅުގެ ހުރިހާ ރަށަކަށް ގޮސްފައެވެ. މިދަތުރުގައި ބޮޑު ތިލަދުން މަތީގެ ހުރިހާ ރަށަކުންވަނީ ފައްޔާޟުގެ ކެމްޕެއިން ޓީމަށް ހޫނު މަރުހަބާއެއް ކިޔާފައެވެ. އީދު ބަންދުގައި މިދަތުރުތައް ކުރި ނަމަވެސް ރަށްރަށުން ވަނީ ފަޔާއަށާއި، ރޮޒޭނާއަށް އޮތް ތާއީދު ދައްކާލާފައެވެ. މިދަތުރު ތަކުން ލިބުނު ތާއީދާއި، ފެނުނު މަންޒަރުން އެމްޑީޕީ ހިންގާލަން ޖެހޭކަން ބޮޑު ތިލަދުންމަތިން ހާމަކޮށް ދީފައިވާކަމަށް ރޮޒޭނާ ވިދާޅުވިއެވެ.

Boduthiladhunmatheege hurihaa rashakah mi erunee. MDP ge membarun dhevvi loaibaa thaaeedhah ihulaastherikamaa eku shukuru dhannavan. Boduthiladhunmathin beynun vanee #MDPhingaalan kan yaqeen vejje! #Faya4CP #Rozey4ARR pic.twitter.com/A7MGVcPhg0

— ???????? ???????????????????????????? ???????????????? ???? (@Roxeyna) May 2, 2022

މިދަތުރުގައި ކުޅުދުއްފުށީގައި ވާހަކަ ދައްކަވަމުން ރޮޒޭނާ ވިދާޅުވީ މިވަގުތު ގަބޫލު ކުރަންޖެހޭ ހަގީގަތަކީ އެމްޑީޕީއާއި، ސަރުކާރާއި ގުޅުވައިދޭނެ މީހަކީ ފައްޔާޟު ކަމަށެވެ. ފައްޔާޟަކީ ކެރޭ ހިންގުންތެރި ލީޑަރެއްކަން ސާބިރތު ކޮށްދީފައިވާކަމަށް ރޮޒޭނާ ވިދާޅުވިއެވެ.

މިވަގުތު ޕާރޓީ އާއި ސަރުކާރާއި ގުޅުވާލެވޭނެ އެންމެ ގާބިލް މީހަކަށް ހުރީ ފައްޔާޟު. ހިންގުމުގެ ދާއިރާއިން ތަޖުރިބާހުރި ކެރޭ ހިންގުންތެރި މީހަކު ޗެއަރ އަކަށް އިންނަން ޖެހޭ.

– ރޮޒޭނާ ވިދާޅުވިއެވެ.

އެމްޑީޕީއަކީ އަންހެނުންގެ ތާއީދު ބޮޑު ޕާޓީއެއް ނަމަވެސް، މިހާތަނަށް އެމްޑީޕީގައި އޮތް އެންމެ ބޮޑު ގޮންޖެހުމަކީ އަންހެނުންނަށް އޮތް ފުރުސަތު ހަނިވުންކަމަށެވެ. ނަމަވެސް މި ކެމްޕެއިންގައިވެސް ފައްޔާޟު ގެންދަވަނީ އަންހެނުންނަށް އޮތް ފުރުސަތުތަކާއި، ކުރިމަގު ބައްޓަން ކުރާނެ ގޮތް ހާމަކޮށް ދެއްވަމުން ކަމަށެވެ.

އަންހެނުން ބާރުވެރި ކުރުމުގެ ވާހަކަ ދައްކަނީ ފައްޔާޟު. އަންހެނުންނަށް ގެއްލިފައިވާ ފުރުސަތު ހޯދަދީ، އަންހެނުންގެ ރޫހާ މި ޕާރޓީގެ ހުރިހާ ގުނަންތަށް ހިންގާލާނެ ވާހަކަ ދައްކަނީ ފައްޔާޟު. އެއީ އަޅުގަނޑު ފަޔާ އާއެކު ހިންގާލަން ހުންނަން ޖެހޭ ސަބަބަކީ.

– ރޮޒޭނާ ވިދާޅުވިއެވެ.

އެމްޑީޕީގެ އިންތިޚާބު މިމަހުގެ 14 ވަނަ ދުވަހު ބޭއްވުމަށް ހަމަޖެހިފައިވާއިރު، މިއީ މިހާތަނަށް ސިޔާސީ ޕާޓީއެއްގެ އެތެރޭގައި ބޭއްވޭ އެންމެ ފޯރިގަދަ އިންތިޚާބަށް ވެގެންދާނެކަމަށް ގިނަ ބަޔަކު ދެކެއެވެ.