އިންޑިއާގެ ވެރިރަށް ނިއުދިއްލީގައި އައިސީ ޔޫ އެނދުތަށް ފުރި، މި ހަފްތާ ބަންދުގައި ފާހަގަކުރާ ދިވާލީ ފެސްޓިވަލްގައި ރައްކާތެރި ވުމަށް އެގައުމުގެ ކަމާބެހޭ އިދާރާތަކުން އިލްތިމާސް ކޮށްފިއެވެ.
ދުނިޔޭގައި 2 ވަނައާށް އެންމެ ގިނަ މީހުން ކޯވިޑް-19އަށް ޕޮޒިޓިވްވެފައި ވާ އިންޑިއާގައި މި ހަފްތާ ބަންދު ހިންދޫއިންގެ ދީނީ އެންމެ ބޮޑު ފެސްޓިވަލް، ދިވާލީ ފާހަގަ ކުރާނެއެވެ. އެހެން ނަމަވެސް ސިއްހީ މާހިރުންނާއި ކަމާގުޅޭ އިދާރާތަކުން ބުނަމުންގެންދަނީ އެއްވުންތައް ނުބޭއްވުމަށާއި ގިނަމީ ހުން އެއްތަނަކަށް ޖަމާވާގޮތައް އެއްވެސް ކަމެއް ކުރިއަށް ނުގެންދިއުމަށެވެ. ނަމަވެސް ދިވާލީ އަށް ތައްޔާރުވުމަށް ވިޔަފާރި ކުރާ މީހުނުން، މުޅި ދިއްލީގެ ބާޒާރުއް ވަނީ ފުރާލާފައެވެ.
މީގެއިތުރުން އާންމުގޮތެއްގައި ވެސް ވައި ތަޣައްޔަރު ދިއްލީގައި، ދިވާލީގެ ބަޑިބޭހާއި ފަޓާހުގެ ކުޅިވަރުތަކުން ވައި އިތުރަށް ތަޣައްޔަރު ވާނެކަމަށް ސިއްހީ މާހިރުން ވަނީ ލަފާކޮށްފައެވެ. ދިއްލީގައި މިހާރުވެސް ވައިގެ ތަޣައްޔަރު މިން ހުރީ ރައްކާތެރި މިންވަރަށް ވުރެ މަތީގައެވެ. މި ކަމުގެ ސަބަބުން ކޯވިޑު ޖެހޭ ބަލިމީހުނަށް އައިސީޔޫގައި ފަރުދޭންޖެހޭ މިންވަރު އިތުރުވާނެއެވެ. ނަމަވެސް ދިއްލީގެ ހުރިހާ ހޮސްޕިޓަލެއްގައި ކަހަލަގޮތަކަށް އައިސީޔޫ އެނދުތަށް މިހާރުވެސް ހުރީ ފުރިފައެވެ.
އެ ގައުމުގެ ސިއްހަތާ ބެހޭ މައި އިދާރާއިން މިހާރުވަނީ ދުވާލަކު 15،000 މީހުނަށް ފަރުވާދެވޭނެހެން ތައްޔާރަށް ތިބުމަށް ދިއްލީގެ ސަރަހައްދީ ސަރުކާރަށް އަންގާފައެވެ. އިއްޔެގެ ނިޔަލަށް ދިއްލީގެ 16،511 ކޯވިޑަށް ހާއްސަ އެނދު ވަނީ ފުރިފައެވެ. އަދި 24،000 މީހުން ގޭގައި އެކަކެރިވެގެން ކޯވިޑަށް ފަރުވާހޯދަމުން ގެންދާކަމަށް ރިޕޯޓުތައް ބުނެއެވެ.
މުޅި އިންޑިއާއިން މިހާތަނަށް 8.6 މިލިއަން މީހުން ވަނީ ކޯވިޑް ޖެހިގެން ރިޕޯޓުކޮށްފައެވެ. އަދި 127،571 މީހުން މިހާތަނަށް މިބަލީގައި އިންޑިއާއިން ވަނީ މަރުވެފައެވެ. ހަފްތާ ބަންދުގައި ފާހަގަ ކުރާ ދިވާލީއަށްފަހު މިއަދަދު ބޮޑުތަން އިތުރުވާނެ ކަމަށް ސިއްހީ މާހިރުން ލަފާކުރައްވައެވެ.
