ށ.ކަނޑިތީމުގައި އެއް އަހަރުގެ ކުޑަކުއްޖަކު ގެނބިގެން ނިޔާވެއްޖެއެވެ.
ފުލުހުންގެ މީޑިއާ އޮފިޝަލު ވިދާޅުވީ އެ ރަށުގައި ކުޑަކުއްޖަކު ގެއްލިގެން ހޯދަމުން ދާކަމުގެ މައުލޫމާތު މިއަދު އިރުއޮއްސި 6:30 ހާއިރު އާންމުންގެ ފަރާތުން ފުލުހުންނަށް ލިބުނު ކަމަށެވެ.
ހޯދަމުން ދިޔައީ އެއް އަހަރުގެ ފިރިހެން ކުއްޖެއް ކަމަށާއި އެ ކުއްޖާ ފެނުނީ މޫދުގައި އޮއްވާ ކަމަށް ވެސް އޮފިޝަލު ވިދާޅުވިއެވެ. އެ ކުއްޖާ ހޮސްޕިޓަލަށް ގެންދިޔައިރުވެސް އޮތީ ނިޔާވެފައި ކަމަށް ހޮސްޕިޓަލާއި ހަވާލާދީ ފުލުހުންގެ އޮފިޝަލު ވިދާޅުވިއެވެ.
މައުލޫމާތު ލިބިފައިވާ ގޮތުގައި ނިޔާވި ކުއްޖާގެ ގެ ހުންނަނީ މޫދާއި ވަރަށް ކައިރީގައެވެ. ކުއްޖާ މޫދަށް ވެއްޓުނީ ގެއިން ނިކުމެ އުޅެނިކޮށް ކަމަށް މައުލޫމާތު ލިބިފަވެއެވެ.
One Response
މޫދު ކައިރީގައި ހުންނަ ގޭގޭގެ މީހުން ކުދިންނާ ދޭތެރޭ ވަރަށް ބޮޑަށް ސަމާލުވާން ޖެހޭނެ. އަނެއްކާ އެއް އަހަރުގެ ކުއްޖެއް ލޯމަތިން ކަސިޔާރުވިޔަ ދީގެން ނުވާނެ.