ބ. އަތޮޅަށް އެތައްޚިދުމަތެއް ކުރައްވާފައިވާ ކުޑަރިކިލު ޖަލީލް ނިޔާވެއްޖެއެވެ.
ޖަލީލްއަކީ، ހެރިޓޭޖް މިނިސްޓްރީގެ ޑިރެކްޓަރު ޝައްމޫނު ޖަލީލް (ލޫކަސް) ގެ ބައްޕައެވެ. ޖަލީލް ނިޔާވެފައިވާކަން ހާމަކޮށް ލޫކަސް ކުރި ޓުވީޓުގައި ވިދާޅުވީ ބައްޕަ ނިޔާވެފައިވަނީ މިއަދު ހެނދުނުގެ ވަގުތެއްގައި ކަމަށެވެ.
ބ. ކުޑަރިކިލު ނޫރާނީމާގެ މުހައްމަދު ޖަލީލް (ކުޑަރިކިލު ޖަލީލް، އެޓޯލްސް ޖަލީލް) އަލީ ބ.އަތޮޅަށާއި، ކުޑަރިކިލަށް ގިނަގުނަ ޚިދުމަތްތަކެއް ކޮށްދެއްވާފައިވާ ބޭފުޅެކެވެ. އެގޮތުން ކުޑަކަތީބުކަމާ ބ. އަތޮޅު އެޓާނީކަމާ، ރައްޔިތުންގެ ހާއްސަ މަޖްލީހުގެ ބ. އަތޮޅު މެންބަރުކަން ކުރެއްވި ބޭފުޅެކެވެ.
އަދި 13 އަތޮޅެއްގެ 26 ރަށެއް މުހައްމަދު ޖަލީލް ހިންގަވާފައިވެއެވެ. ޖަލީލްއަކީ ޚާއްސަ މަޖިލީހުގެ މެމްބަރުކަން ކުރެއްވިިއިރު މަޖިލިސްގައިވެސް މުހިންމު މަސައްކަތްތަކެއް ކުރެއްވި ބޭފުޅެކެވެ.
އަޅުގަނޑުގެ ބައްޕަ ބ. ކުޑަރިކިލު ނޫރާނީމާގެ މުހައްމަދު ޖަލީލް (ކުޑަރިކިލު ޖަލީލް، އެޓޯލްސް ޖަލީލް) މިއަދު ހެނދުނު ނިޔާވެއްޖެ. ބައްޕަ ރަށުގެ ކުޑަކަތީބުކަމާ ބ. އަތޮޅު އެޓާނީކަމާ، ރައްޔިތުންގެ ހާއްސަ މަޖްލީހުގެ ބ. އަތޮޅު މެންބަރުކަން ކުރެއްވި. 13 އަތޮޅެއް 26 ހިންގަވާފަވޭ
???????? pic.twitter.com/wzKWhfWVAX
— Luke (@Lucasjalyl) April 24, 2022
ޚަބަރު އޮންލައިގެ ފަރާތުން ޖަލީލްގެ ފުރާނަފުޅަށް ސުވަރުގެގޭގެ މަތިވެރި ނިއުމަތް މިންވަރު ކޮށްދެއްވުން އެދި ދުޢާކުރަމެވެ.
