ވެރިކަން ކުރާ މައި ޕާޓީގެ ސޯޝަލް މީޑިއާ އެކްޓިވިސްޓް ޝަމްމޫން ޖަލީލް، ލޫކަސް ސަރުކާރުން އިސްތިއުފާ ދީފިއެވެ.
އޭނާ ރައީސް ޞާލިހަށް ފޮނުވި ސިޓީގައި ބުނީ ސަރުކާރުގައި މަސައްކަތް ކުރުމުގަައި ފުރުސަތު ލިބުމަކީ ލިބުނު ތަޖުރިބާއެއް ކަމަށެވެ. އަދި ރައީސް ޞާލިހު ބެހެއްޓެވި ގާތްކަމަށް ޝުކުރު އަދަކުރާ ކަމަށެވެ.
ލީކަސް މިހާތަނަށް ހުންނެވީ ހެރިޓޭޖު މިނިސްޓްރީގެ ޕޮލިޓިކަލް ޑިރެޓަރުގެ މަޤާމުގައެވެ. ރައީސް ސޯލިހް ވެރިކަމަށް ގެންނަން ކުރި ކެމްޕޭންގައި ވަރަށް ވަރުގަދައަށް ލޫކަސް މީސް މީޑިއާގައި ހަރަކާތްތެރިވިއެވެ. ނަމަވެސް ފާއިތުވި ދެތިން އަހަރު އޭނާ މީސް މީޑިއާގައި ސަރުކާރު ޕްރޮމޯޓް ކުރާ މަންޒަރެއް ނުފެނެއެވެ. އޭނާގެ ޓްވިޓާ އެކައުންޓް ވެސް މިހާރު ޕްރައިވެޓް ކޮށްފައި އިންނަތާ ގިނަ ދުވަސްތަކެއް ވެއްޖެއެވެ.
އަޅުގަނޑު ސަރުކާރުން އިސްތިއުފާދީފިން. pic.twitter.com/wyhyPv5Mvu
— Luke (@lucasjalyl) July 13, 2023
ލޫކަސް ދާދިފަހުން އިދިކޮޅު ފަރާތްތަކާއިއެކކު ފޮޓޯއެއް ނެންނެގެވުމުން އެމްޑީޕީގެ ޗެއާޕާސަން ފައްޔާޒު ވަނީ ސަރުކާރު ޕްރޮމޯޓުކުރުމުގެ މަސައްކަތްނުކުރާނަމަ އޭނާގެ މަގާމުން އިސްތިއުފާ ދިނުމުގެ ހިތްވަރު ހުންނަންވާނެކަމަށް ވިދާޅުވެފައެވެ.
