އިގިރޭސި ރާނީ އެކަމަނާގެ 96ވަނަ އުފަންދުވަސް، އިނގިރޭސިވިލާތުގެ ސެންޑްރިންގހަމްގައި މިއަދު ފާހަގަ ކުރައްވައިފިއެވެ.

ރާނީ އުފަންދުވަސް ފާހަގަ ކުރެއްވުމަށްޓަކާ ހެލިކޮޕްޓަރެއްގައި ވަޑައިގެންނެވީ އިނގިރޭސިވިލާތުގެ ނޯރފޯކްގައި ހުންނަ އެކަމަނާގެ ގަނޑުވަރަށެވެ. މި ގަނޑުވަރުގައި ރާނީ އުފަންދުވަސް ފާހަގަ ކޮށްފައިވަނީ އާއިލީ ބޭފުޅުންނާއި އަދި ގާތް ބައެއް ރަހުމަތެރިންނާވެސް އެކީއެވެ.

ރާނީގެ އުފަންދުވަހު، ޝާހީ ގަޑުވަރުންވަނީ، ޅަ ދެ އަހާއެކީ އެކަމަނާ ނަންގަވާފައިވާ ފޮޓޯއެއް އާންމު ކޮށްފައެވެ. އަހަކީ ރާނީގެ ހަޔާތުގައި އެކަމަލާ އެންމެ ލޯބިކުރެއްވި އެއް ޖަނަވާރެވެ. މި ފޮޓޯ ނަގާފައިވަނީ، ރާނީ ފަހަކަށް އައިސް ގިނައިން ހުންނަވާ ވިންޑް ކާސަލްގައެވެ. ފޯޓޯއިން ފެންނަ އެކަމަނާގެ ދެއަހަކީ ވަރަށް އަވަހަށް ބޭއްވުމަށް ހަމަޖެހިފައިވާ ވިންޑްސޯ ހޯރސް ޝޯވްގައި ދެއްކުމަށް ހަމަޖެހިފައިވާ ދެއަހެވެ.

ރާނީގެ އުފަންދުވަހުގެ މުނާސަބަތުގައި ޝާހީ ގަނޑުވަރު، ބަކިންހަމް ޕެލަސްއިންވަނީ ޕްރިންސެސް އެލިޒަބަތުގެ އުމުރުން ދެއަހަރުގައި، 1928ވަނަ އަހަރު ނަގާފައިވާ ފޮޓޯއެއް ޓުވީޓު ކުރައްވާފައެވެ.

Happy Birthday Your Majesty!

Today as The Queen turns 96, we’re sharing this photograph of the young Princess Elizabeth aged 2.

Then, in 1928, it was never expected she would be Queen, and this year Her Majesty is celebrating her #PlatinumJubilee – a first in British history. pic.twitter.com/DnwsMU81I3

— The Royal Family (@RoyalFamily) April 21, 2022

ރާނީ ދުނިޔޭގެއަލިކަން ދެކެވަޑައިގަތީ 1926ވަނަ އަހަރުއެވެ. އެހެންނަމަވެސް އެމަނާ އުފަންވެ ވަޑައިގަތީ ޝާހީ ގަނޑުވަރެއްގައެއް ނޫނެވެ. އެކަމަނާ އުފަންވެ ވަޑައިގަތީ ލަންޑަނުގެ ބްރުޓަން ސްޓްރީޓްގެ ޓައުންހައުސްއެއްގައެވެ. އެންމެ ފުރަތަމަ ރާނީ މިގޭގައި ދުރިއުޅުއްވާފައިވަނީ، ބައްޕާފުޅާއި މަންމާފުޅާ އެކުއެވެ. ފަހުން ރާނީގެ ބައްޕާފުޅު ވެވަޑައިގަތީ ކިންގ ޖޯޖު ފިލިޕް VI އަށެވެ. މަންމާފުޅު ވެވަޑަގަތީ ކުއީން އެލިޒަބަތުއަށެވެ.

ރާނީގެ 96ވަނަ އުފަންދުވަހުގެ މުނާސަބަތުގައި އިނގިރޭސި ބޮޑުވަޒީރު ބޮރިސް ޖޯންސަންއާއި ލޭބަރ ޕާޓީގެ ލީޑަރ ސާރ ކެއިރް ސްޓާރމަރވަނީ ތަހުނިޔާ ވިދާޅުވެފައެވެ. އަދި އިނގިރޭސިވިލާތުގައި ވަނީ ބަޑީގެ ސަލާމްވެސް ދުވަހުގެ މުނާސަބަތުގައި އަރުވާފައެވެ.

ރާނީގެ 96ވަނަ އުފަންދުވަސް ފާހަގަ ކޮށްފައި މިވަނީ، އިނގިރޭސި ތަޚުތުގައި އިންނަވާ، އަލިމަސް ޔޫބީލް ފާހަގަކުރައްވާ ފުރަތަމަ ބޭފުޅާކަމުގައި އެކަނާ ވެވަޑައިގެންނަވާ އަހަރުއެވެ. ރާނީ ތަޚުތައް އިސްވެވަޑައިގްތާ 70 އަހަރުފުރެނީ މިއަހަރުއެވެ. ރާނީ ފިޔަވާ ދެން އެންމެ ދިގު މުއްދަކަށް އިނގިރޭސި ތަޚުތުގައި އިންނަވާފައިވަނީ ކުއީން ވިކްޓޯރިއަރް އާއި ޖޯޖް III، އުމުރުން 81ވަނަ އަހަރާއި ހަމައަށެވެ. އަދި ރާނީގެ އިތުރުން، ތަޚުތުގައި ތިއްބަވައިގެން، 80ގެ އަހަރުތަކާހައަށް ދުނިޔޭގެ ތިއްބަވާފައިވާ ބޭފުޅުންނަކީވެސް މި ބޭފުޅުންނެވެ.

އިގިރޭސިވިލާތުގެ ނޭޝަނަލް ސްޓެޓިސްޓިކްސް އޮފީހުން އާންމު ކޮށްފައިވާ މައުލޫމާތުތަކަށް ބަލާއިރު، އުމުރުން 95 އަހަރާއި 99 އަހަރާއި ދެމެދުގެ، އިނގިރޭސިވިލާތުގައި މިހާރު ތިބީ 124,000 މީހުންނެވެ. މީގެ ތެރެއިން ހަތަރުބައި ކޮށްފަ ތިން ބައިގެ މީހުންނަކީ އަންހެނުންނެވެ.