ޑްރަގް ކޯޓުގެ ޤާޟީ އައްޝައިޚް މުޙައްމަދު ނަޢީމުގެ ސުލޫކީ މައްސަލައެއް ޖުޑިޝަލް ސާވިސް ކޮމިޝަނުން ތަހުގީގް ކުރަން ފަށައިފިއެވެ.
ޖޭއެސްސީން ތަހުގީގު ކުރަމުންދަނީ ޤާޟީ ނައީމް ފަނޑިޔާރުންގެ ސޯޝަލް މީޑިއާ ގްރޫޕެއްގައި ފޮނުވާފައިވާ މެސެޖެއްގައި، ފަނޑިޔާރެއްގެ ސުލޫކާ ޚިލާފުވާފަދަ ބަސްތަކެއް ބޭނުންކޮށްފައިވާތީ އެމައްސަލައެވެ.
ފަނޑިޔާރުންގެ ވައިބާ ގްރޫޕަކަށް ނައީމް މެސެޖެއް ފޮނުއްވީ އުއްތަމަ ފަނޑިޔާރާއި ޖުޑިޝަރީގެ ވެރިންގެ "ކަރުބުޑުގައި ރަހަލާވަރުގެ ކަންތައް ކޮށްގެން ނޫނީ މިކަންކަން ރަނގަޅު ނުވާނެ" ކަމަށް ވިދާޅުވެ އެވެ. އޭނާ އެ މެސެޖް ފޮނުއްވީ އެޗްޑީސީގެ މުވައްޒަފުންނަށް ފްލެޓް ދޭން ނިންމި ހަބަރެއް އެހެން ފަނޑިޔާރަކު އެ ވައިބާ ގްރޫޕްގައި ހިއްސާކުރެއްވުމުން ފަނޑިޔާރުންނަށް ފްލެޓް ހަމަޖެއްސުމާ ގުޅުވައިގެންނެވެ.
މިމައްސަލަ ބެލުމަށް ޖޭއެސްސީން ނިންމާފައިވަނީ ކޮމިޝަނުން އިސްނަގައިގެން ބަލާ ޝަކުވާއެއްގެ ގޮތުގެ ގޮތުގައެވެ. މިމައްސަލަ ތަހުޤީޤު ކުރުމަށްޓަކައި މިހާރު ވަީ ތަޙްޤީޤު ކޮމިޓީ އެކުލަވާލާފައެވެ. ޤާޟީ ނައީމަކީ މީގެ ކުރިންވެސް ޖޭއެސްސީން ފިޔަވަޅު އަޅާފައިވާ ޤާޞީއެކެެ.
ފަނޑިޔާރެއްގެ ސުލޫކާ ޚިލާފުވާފަދަގޮތަކަށް ސޯޝަލް މީޑިއާތަކުގައި ލިޔުއްވާ މައްސަލަތަކުގައި މީގެ ކުރިންވެސް ބައެއް ފަނޑިޔާރުންނާއިމެދު ޖޭއެސްސީން ވަޏީ ފިޔަވަޅު އަޅާފައެވެ.
One Response
ވަރަށް ދުވަސް ވެއްޖެ އަތު އަޅުވާނުލެވިގެން އުޅޭ ޤާޟީއެއްތީ، މިފަހަރު ތިއޮތީ މަޅިއަށް މެހިފައި، ދެންއިވޭނީ ފިޔަވަޅު އަޅަން ނިންމިއަޑު، އެއާއެކު އިސްތިއުފާގެ އަޑުވެސް އިވުން ކައިރި.