މުދަލާއި ޕްރޮޖެކްޓް، ބަކްކުރުން ހުއްޓުވޭނީ، ތިމާ އަމިއްލައަށް އަދާކުރަންޖެހޭ ޒިންމާ ރައްޔިތުން ހަވާލު ކުރި ގޮތަށް ކޮށްގެން ކަމުގައި ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އިކްރާމް ހަސަން ވިދާޅުވެއްޖެއެވެ.
އިކްރާމް މިހެން ވިދާޅުވީ ކެމްޕެއިންފައި ލ. އަތޮޅުގެ ރަށްތަކަށް ވަޑައިގެން އެމްޑީޕީގެ ސަޕޯޓަރުންނާ ބައްދަލުކޮށް އިންތި ދެއްކެވި ވާހަތަކާއިގުޅިގެންނެވެ. ގަމުގައި ބޭއްވި ބައްދަލުވުމުގައި އިންތި ވިދާޅުވީ އެމްޑީޕީ އަށް މި ވަގުތު އޮތް އެންމެ ބޮޑު ބިރަކީ އަދި ނުރައްކަލަކީ އެމްޑީޕީގެ މެމްބަރުން ބައިބައިކޮށްގެން އަމިއްލަ ބާރުވެރިކަން ހޯދަން ބަޔަކު މަސައްކަތް ކުރުން ކަމަށެވެ.
އިންތި ވިދާޅުވީ އެމްޕީގެ ޗެއާޕާސް ހޮވުމުގެ އިންތިހާބަކީ ވަޒީރުންގެ މެދުގައި އޮންނަ ރީތިގެ މުބާރާތެއް ނޫން ކަމަށައި، އަދި މުދަލާއި، ޕްރޮޖެކްޓް ބަކްކުރުން ހުއްޓުވޭނީ ނުފޫޒު ގަދަ ވަޒީރުންގެ ކިބައިން އެމްޑީޕީ ސަލާމަތްކޮށްގެންކަމަށް އިންތި ވިދާޅުވިއެވެ.
އިންތިގެ ވާހަކަތަކާއި ގުޅިގެން އިކްރާމް ވިދާޅުވީ މުދަލާއި ޕްރޮޖެކްޓް، ބަކްކުރުން ހުއްޓުވޭނީ، އެޖެންޑާ-19ގެ ދަށުން ރައްޔިތުން ހަވާލުކުރި ޒިންމާތައް ފުރިހަމައަށް އަދާކޮށްގެން ކަމަށެވެ. މަޖިލިސް ތެރެއިން ރައްޔިތުންގެ އެންމެ ބޮޑު ކަންބޮޑުވުމެއް އޮތް ޖުޑީޝަރީގެ ކަންކަން އިސްލާހު ކުރުމުގެ މަސްއޫލިއްޔަތު އަދާކުރަމުންދަނީ އިންތި ކަމާށްވާއިރު، އިންތި އެޒިންމާ އަދާކުރަނީ ކިހާ ވަރަކަށްތޯ ރައްޔިތުން ނުހަނު ސުވާލު ކުރައްވާކަމަށް އިކްރާމް ވިދާޅުވިއެވެ.
މުދަލާއި ޕްރޮޖެކްޓް، ބަކްކުރުން ހުއްޓުވޭނީ، މަޖިލިސް-19 އިންތި އާއި ހަވާލު ކުރެވުނު ޒިންމާތައް އަދާކޮށްގެން. އެއީ އެމްޑީޕީ ޗެއާޕާސަން ކުރައްވާ ކަމެއްނޫން. އާންމު މެމްބަރުން ކަންބޮޑުވުންވެ ސުވާލު އުފައްދަނީ ކޯޓްތަކުން ކުށްވެރިން ދޫވެގެން ދާއިރު ޖުޑީޝަރީ ކޮމެޓީ މުޤައްރިރު ޒިންމާ އަދާ ކުރައްވާތޯ؟
– އިކްރާމް ވިދާޅުވިއެވެ.
Mudhalaa project bahkurun huttuveynee Majlis19ga Inthi aa havaal kurevunu zimmaathah adhaakuravvaigen. Eiee MDP CP kuravvaa kameh noon. Aammu memberun kanboduve suvaal ufahdhanee court thakun kuvverin dhoovegen dhaa iru Judiciary Committee mugarrir zimmaa adhaa kuravvaatho? https://t.co/g3ubeaSjuM
— Ikram Hassan MP (@ikramhassan) April 17, 2022
ވާދަވެރިކަން ބޮޑުވެފައިވާ އެމްޑީޕީގެ ޗެއާޕާސަންގެ އިންތިޚާބުގައި އެއްކެނޑިޑޭޓަކު އަނެއް ކެނޑިޑޭޓަކަށް ބަހުގެ ހޫނު ހަމަލާތައް ދަނީ ދެމުންނެވެ. ވަކިން ޚާއްސަކޮށް އިންތިގެ ޓީމުން ދަނީ ފައްޔާޟަށް ބޮޑެތި ތުހުމަތުތައް ކުރަމުންނެވެ. އެގެ ތެރޭގައި ވައްކަމުގެ ބޮޑެތި ތުހުމަތުތަކާއި، ބާރާއި ނުފޫޒު އިންތިހާއަށް ފޯރުވަމުންދާކަމުގެ ތުހުމަތުތައް ދަނީ ކުރަމުންނެވެ. ނަމަވެސް ފައްޔާޟުގެ ޓީމުން ދަނީ މިހުރިހާ ވާހަތަކެއް ދޮގު ކުރަމުންނެވެ.
އަންނަ މަހުގެ 14 ވަނަ ދުވަހު އިންތިޚާބު ބާއްވާއިރު މިއީ އެމްޑީޕީގެ ތާރީހުގައިވެސް ބޭއްވޭ އެންމެ ވާދަވެރި ފޯރިގަދަ އިންތިޚާބަށް ވެގެންދާނެއެވެ. އަދި މިއީ ކުރިއަށް އޮތް ރިޔާސީ ޓީކެޓާއިމެދު އެމްޑީޕީން ނެރޭގެ ކެނޑިޑޭޓެއްވެސް ސާފުވެގެންދާނެ އިންތިޚާބެއްކަމަށް ގިނަ ބަޔަކު ދެކެއެވެ.
