ރެސިޕީ: ފެންސީ ޗިކަން ރެސިޕީ

ފެންސީ ޗިކަން ރެސިޕީ އަކީ ޕާން ނުވަތަ ބަނަހާ އެކުގައި ވެސް ކެވިދާނެ ސެލެޑެކެވެ. ހަށިގަނޑަށް ފައިދާ ހުރި މި ސެލެޑަކީ ރޯދަ ވީއްލަން ނުވަތަ ހާރުދަމަށްވެސް ވަރަށް ރަނގަޅު ބާވަތެކެވެ.

ބޭނުން ވާނެ ތަކެތި:

• 4 ކަޕް ކުކުޅު (ކައްކާފައި ޑައިސްކޮށް ކޮށާފައި)
• 2 ޖޯޑު ކެޕްސިކަމް (ރެޑް ޔެލޯ އަދި ގްރީން)
• 1 ޖޯޑު ސެލެރީ (ކުދިކޮށް ކޮށާފައި)
• 1/2 ޖޯޑު ފިޔާ (ޑައިސްކޮށް ކޮށާފައި)
• 1 ޖޯޑު ބްރޮކޮލީ
• 1 ޖޯޑު ކޯލީ ފްލާވާ
• 2 ތޮޅި މިރުސް

ސެލެޑް ޑްރެސިންގ އަށް 

• 1/2 ޖޯޑު މަޔޮނައިޒް
• 1/2 ޖޯޑު ޕްލޭން ޔޯގަޓް
• 2 މޭޒުމަތި ސަމުސާ ލުނބޯ ހުތް
• 1/2 ސައިސަމުސާ ލޮނު އަދި އަސޭމިރުސް

ތައްޔާރު ކުރާނެ ގޮތް:

އެންމެ ފުރަތަމަ ސެލެޑް ޑްރެސިންގ އަށް ބޭނުން ވާ ހުރިހާ އެއްޗެއް ރަނގަޅަށް އެއްކޮށްލާށެވެ. އެއަށް ފަހު ދެންހުރި ހުރިހާ ތަކެއްޗެއް، މަޑުމަޑުން ފަހަރަކު އެއްޗެއް އެއްކޮށްލާށެވެ.