ހުޅުމާލޭގެ ރެސްޓޯރެންޓެއްގެ ތެރޭގައި ވަޅިން ހަމަލާ ދީ ބަންގްލްދޭޝް މީހާ މަރާލި މައްސަލައިގައި ޕާކިސްތާން މީހަކު ހޯދުމުގައި އާންމުންގެ އެހީތެރިކަމަށް ފުލުހުން އެދިއްޖެއެވެ.
ފުލުހުން ބުނެފައިވަނީ މިމަރާއި ގުޅިގެން ހޯދަމުން ދަނީ އުމުރުން 26 އަހަރުގެ މުހައްމަދު އާބިދު ނަމަކަށް ކިޔާ ޕާކިސްތާން ރައްޔިތެއްކަމަށެވެ. ފޮޓޯއާއިއެކު ފުލުހުން ވަނީ އޭނާ ހޯދުމަށް އާންމުންގެ އެހީތެރިކަމަށް އެދިފައެވެ. ފުލުހުން ބުނެފައިވަނީ އޭނާއާއި ގުޅޭ އެއްވެސް މައުލޫމާތެއް ލިބިފައިވާ ނަމަމަ 119 އަށް ގުޅައި ހިއްސާ ކުރުމަށް އެދޭކަމަށެވެ.
MPS is investigating a suspected homicide reported earlier today at a local restaurant. The victim, a male Bangladeshi national was pronounced dead on arrival at the hospital. 1/2
— Maldives Police (@PoliceMv) April 16, 2022
ފުލުހުން ވިދާޅުވީ މަރާލާފައިވާ މީހާއަކީ ބަންގްލަދޭޝްގެ ފިރިހެނެއް ކަމަށެވެ. މި ހާދިސާއާ ބެހޭ ގޮތުން ފުލުހުން އިރުތަށް ވިދާޅުވީ ހުޅުމާލޭގެ ރެސްޓޯރެންޓެެއްގައި ތޫނު އެއްޗަކުން މީހަކަށް ހަމަލާދީފައިވާ ކަމުގެ ރިޕޯޓު ލިބިގެން އެ ސަރަހައްދުގައި ފުލުހުން ހަރަކާތްތެރިވަމުންދާ ކަމަށެވެ.
މީގެ އިތުރުން، އަނިޔާ ލިބުނު މީހާ ހޮސްޕިޓަލަށް ގެންދިޔަ ކަމަށާއި އޭނާ މަރުވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ވިދާޅުވެއެވެ. މިޙާދިސާ ހިނގާފައިވަނީ ހުޅުމާލޭގައި ހުންނަ "ޚާންޖީ" ރެސްޓޯރެންޓުގައި މަސައްކަތްކުރާ ދެ ބިދޭސީއެއްގެ ދެމެދުގައެވެ. އެދެމީހުންގެ ދެމެދުގައި ހިނގި ހަމަނުޖެހުމެއްގައި ބަންގްލަދޭޝް މީހާ މަރާލާފައެވެ. އޭނާ ވަނީ މަރާލުމަށްފަހު ފިލާފައެވެ.
ކޮމެންޓު ފޮނުވާ