މިދިޔަ މަހު 18 ވަނަ ދުވަހު ސިނަމާތަކުގައި އެޅުވި، ސުޕަސްޓަރ އަކްޝޭ ކުމާރުގެ ފިލްމު ބައްޗަން ޕާންޑޭ އަންނަ ހުކުރު ދުވަހު އެމޭޒަން ޕްރައިމް ވީޑިއޯ އިން އޮންލައިންކޮށް ޕްރިމިއާ ކުރުމަށް ނިންމައިފިއެވެ.
ކޯވިޑުގެ ސަބަބުން ބެލުންތެރިންނާ ހަމައަށް އައުން ލަސްވި މި ފިލްމަކީ އަކްޝޭގެ އާންމު ހެއްވާ މަޖާ ކަންކަން އަދި އެކްޝަން ފެނިގެންދިޔަ ފިލްމެކެވެ.
އަކްޝޭގެ 2019 ގެ ފިލްމު "ހައުސްފުލް 4″ ގެ ޑައިރެކްޓަރު ފަރުހާދު ސަމްޖީ ޑައިރެކްޓްކުރި މި ފިލްމުގައި އަކްޝޭގެ އިތުރުން ކްރިތީ ސެނަން، ޖެކޮލިން ފެރްނާންޑޭޒާއި އަރުޝަދު ވާރްސީ ވެސް ފެނިގެންދެއެވެ.
"ބައްޗަން ޕާންޑޭ" އަކީ ކްރިތީ އާއި އަކްޝޭ އެކުގައި ފެނިގެންދިޔަ ދެވަނަ ފިލްމެވެ. މީގެ ކުރިން މިދެތަރިން ވަނީ "ހައުސްފުލް 4″ ގައިވެސް އެކުގައި މަސައްކަތް ކޮށްފައެވެ.
Bhaukaal banaye rakhne ke liye bhay bana ke rakhna bohot zaruri hai, thik us hi tarah, entertain hone ke liye Bachchhan Paandey se milna bohot zaruri hai ????#BachchhanPaandeyOnPrime this April 15 ????️ only on @PrimeVideoIN #SajidNadiadwala @farhad_samji @akshaykumar pic.twitter.com/alO0GxhxyH
— Nadiadwala Grandson (@NGEMovies) April 11, 2022
"ބައްޗަން ޕާންޑޭ" އަކީ އަކްޝޭގެ ގާތް އެކުވެރިޔާ އަދި ޕްރޮޑިއުސަރ ސާޖިދް ނަޑިއަޑްވާލާ އާއެކު އޭނާ މަސައްކަތްކުރި 10 ވަނަ ޕްރޮޖެކްޓެވެ. މީގެ ކުރިން ހައުސް ފުލް ސީރީޒްގެ ފިލްމު ތަކާއި "މުޖްސޭ ޝާދީ ކަރޯގީ" ފަދަ ފިލްމު ތަކަކީ މި ދެއެކުވެރިން އެކުގައި ގެނެސްދީފައިވާ ކާމިޔާބު ފިލްމުތަކެކެވެ.
އަކްޝޭގެ މިދިޔަ އަހަރުގެ ފިލްމު ބެލް ބޮޓަމްވެސް އޮންލައިންކޮށް ގެނެސްދީފައިވަނީ އެމޭޒަން ޕްރައިމް ވީޑިއޯ އިންނެވެ.
