ގދ.ރަތަފަންދޫ ގިރާ ސަރަހައްދު ހިމާޔަތްކުރަން ހުރިހާ ސަރުކާރަކުން ވީއިހުމާލުކަމަށާއި، އެ މައްސަލ ހައްލުކޮށްދެއްވާނެކަމުގެ ޔަޤީންކަން ހަމައެކަނި ދެއްވީ މިއަދުގެ ސަރުކާރުންކަމަށް ޓްރޭޑް ޔޫނިއަންގެ ނައިބް ރައީސް އަދި ކުރީގެ ގްރޭޓަރ މާލޭ އިންޑަސްޓްރިއަލް ޒޯން ލިމިޓެޑް ކުންފުނީގެ ބޯޑުގެ ޗެއަރމަން ސައުދުﷲ އަހުމަދު ވިދާޅުވެއްޖެއެވެ.
ރަތަފަންދޫ ގިރާ މައްސަލައަކީ ޒަމާންވީ ބޮޑު މައްސަލައެކެވެ. އެރަށުން ވަނީ ވަރަށް ބޮޑު ސަރަހައްދެއް ގިރައިގެން ގޮސްފައެވެ. ނަމަވެސް މިހާތަަނަށް އެކަމަށް ދާއިމީ ހައްލެއް ނުލިބި ރައްޔިތުން ތިބީ ކަންބޮޑުވުމެއްގައެވެ.
މި މައްސަލަ ހައްލުކުރުމަށް މި ސަރުކާރުން ވަނީ އެމްޓީސީސީއާއި ހަވާލުކޮށްފައެވެ. މިކަމާއި ގުޅިގެން ސަޢުދު ވިދާޅުވީ ރަތަފަންދޫ ގިރާ ސަރަހައްދު ހިމާޔަތްކުރުމަށް 2008 އިން 2018އަށް ވެރިކަންކުރި ރައީސުން ވީ ވަޢުދު ވަނީ ނުފުއްދި ރައްޔިތުން މަތިން ހަނދާން ނެތިފައިކަމަށެވެ. 2018ގެ ރިޔާސީ އިންތިޚާބުގައި މިހާރުގެ ރައީސް އިބްރާހީމް މުޙައްމަދު ޞާލިޙް ރަތަފަންދޫ ގިރާ ސަރަހައްދުގެ މައްސަލަ ހައްލުކޮށްދެއްވާނެކަމުގެ ޔަޤީންކަން ދެއްވައި އެ މަޝްރޫޢު އެމްޓީސީސީއާއި ހަވާލުކޮށްފައިވާކަމަށް މިއީ ހެޔޮވެރިކަންކަމަށް ސަޢުދު ވިދާޅުވިއެވެ.
Gdh rathafandhoo giraa sara hahdhu himaayah kuran 2008-2018 verikan kuri raeesun v vaudhu vanee nufuhdhi rahyithun matheen hadhaan nethifa.2018 riyaase inthihab raees @ibusolih mikan kohdhevaane kamah vidhaalhuve miadhu mivanee MTCC mi project award kohfa.Ranun ranah.heyo verikan
— Saudulla Ahmed (@saudullaahmed1) April 7, 2022
ސަޢުދު ވަނީރަތަފަންދޫ ގިރާ ސަރަހައްދު ހިމާޔަތްކުރުމަށް މިސަރުކާރުން ވީ ވަޢުދު ފުއްދުމަށް ފިނޭންސް މިނިސްޓަރ އިބްރާހީމް އަމީރުކޮށްދެއްވި ބުރަ މަސައްކަތް ފާހަގަކުރައްވާ ސަރުކާރުން ދެއްވި އިތުބާރަށް ޝުކުރު ދަންނަވާފައެވެ.
ރައްޔިތުންގެ ވެރިކަން. ރައްޔިތުންގެ ރައީސް އިބްރާހީމް މުޙައްމަދު ޞާލިޙް އަދި މިކަމުގައި މިނިސްޓަރ ފައްޔާޒް ދެއްވި އެހީތެރިކަން ފާހަގަކޮށްލަން.
– ސަޢުދު ވިދާޅުވިއެވެ.
Rathafandhoo giraa sarahadhu himaayah kurumuge misarukaarun v vaudhu fuhdhumah minister @iameeru kohdhehvi bura masahkathaa dhehvi ithubaarah shukuru dhahnavan.rahyithunge verikan.rahyithunge raees @ibusolih adhi mikamuga minister @faya_i vedhehvi eheetherikan faahaga kohlan.
— Saudulla Ahmed (@saudullaahmed1) April 7, 2022
ގދ.ރަތަފަންދޫ ގޮނޑުދޮށް ޙިމާޔަތްކުރުމުގެ މަޝްރޫޢުގެ ޑިޒައިން އާއި އީއައިއޭގެ މަސައްކަތް ކުރުމަށް ޕްލޭނިންގ މިނިސްޓްރީން ބަޔަކާ ހަވާލުކުރީ 2019 އަހަރުގެ ޑިސެމްބަރު މަހގެ ތެރޭގައެވެ. މިއެއްބަސްވުމުގެދަށުން ރަތަފަންދޫގެ ގޮނޑުދޮށް ޙިމާޔަތްކުރުމަށް ބޭނުންވާ ޑީޓެއިލް ޑިޒައިނާއި ތިމާވެއްޓަށް ގެއްލުންވާ މިންވަރުބަލާ އެސެސްމަންޓް ހެދުން ހިމެނެއެވެ.
