ކ.ތުލުސްދޫގައި ޗުއްޓީ ހޭދަކުރަމުންދިޔަ ފަތުރުވެރިޔަކު ގެނބިގެން މަރުވެއްޖެއެވެ.
ފުލުހުންގެ މީޑިއާ އޮފިޝަލް ވިދާޅުވީ، ތުލުސްދޫ އުތުރު ފަރާތު މޫދަށް އެރި އުޅުނު ފަތުރުވެރިޔަކު ގެނބިގެން އުޅޭ ކަމަށް މިއަދު 10:48 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
އަދި އޭނާއަށް ހެލްތް ސެންޓަރުގައި ފަރުވާދެމުން ދަނިކޮށް މަރުވެފައިވާ ކަމަށް ހެލްތް ސެންޓަރުން ފުލުހުންނަށް މައުލޫމާތު ދީފައިވާ ކަމަށެވެ.
މަރުވެފައި ވަނީ އުމުރުން 72 އަހަރުގެ އިޓަލީއަށް ނިސްބަތްވާ ފިރިހެން ފަތުރުވެރިއެކެވެ. ފުލުނުން ވިދާޅުވީ، މި ހާދިސާއާ ގުޅިގެން އިތުރަށް ބަލަން ޖެހޭ ކަންކަން ބަލަމުންދާ ކަމަށެވެ.
