ބޮލިވުޑްގެ ހުނަރުވެރި ބަތަލާ މާދުރީ ޑިކްސިޓްް އޭނާގެ އާ ގެއަށް ބަދަލުވެއްޖެއެވެ.
މި ގެއަކީ އޭނާ ކުއްޔަށް ނަގާފައިވާ ގެއެކެވެ. މުމްބާއީގެ ޖޫހޫގައި މޫދު ފެންނަގޮތަށް ހުންނަ މި އެޕާޓްމެންޓުގެ މަހު ކުއްޔަކީ 12 ލައްކަ ކަމަށް ޚަބަރުތައް ބުނެއެވެ.
މި ގެއަށް ބަދަލުވުމުގެ ކުރިން މާދުރީ ވަނީ އެގެ އަލުން ޑިޒައިން ކޮށްފައެވެ. އަޕުރްވާ ޝްރޮފް ޑިޒައިން ކޮށްފައިވާ މިގެއަށް މިހާރު މާދުރީ އާއި އާއިލާ ބަދަލުވެގައި ވާކަމަށް ޚަބަރުތައް ބުނެއެވެ.
1999 ވަނަ އަހަރު ޑޮކްޓަރ ޝްރިރާމް ނޭނޭ އާއި ކައިވެނި ކުރުމަށް ފަހު މާދުރީ ވަނި އެމެރިކާއަށް ދިރިއުޅުން ބަދަލުކޮށްފައެވެ. ނަމަވެސް އެއަށް ފަހު 2011 ގައި އޭނާ ވަނީ އެނބުރި ގައުމަށް އައިސްފައެވެ.
އިންޑިއާއަށް ބަދަލުވި ނަމަވެސް މާދުރީ މިހާރުވެސް ފިލްމުތަކުން ފެންނަނީ ވަރަށް މަދުންނެވެ. ނަމަވެސް އޭނާ އަންނަނީ ބައެއް ރިއަލިޓީ ޝޯވ ތަކުގެ ޖަޖުކަން ކުރަމުންނެވެ. މީގެ އިތުރުން އިޝްތިހާރު ކުޅެގެންނާއި ކުންފުނިތަކުގެ އެމްބެސެޑަރުކަން ކޮށްގެންވެސް އޭނާ އާމްދަނީ ހޯދައެވެ. މީގެ އިތުރުން މާދުރީ އަންނަނީ ޔޫޓިއުބް ޗެނަލެއްވެސް ހިންގަމުންނެވެ.
އޭނާގެ އެކްޓިންގ އެންމެ ފަހުން ފެނިގެން ދިޔައީ ނެޓްފްލިކްސްއިން މިހާރު ސްޓްރީމް ކުރަމުންދާ ވެބް ސީރީޒް "ދަ ފޭމް ގޭމް" އިންނެވެ.
