45 އަހަރުގެ ބޮލީވުޑްގެ އެކްޓަރު ރަންދީޕު ހުޑާ ލޯބީގެ ގޮތުން ގުޅިގެން އުޅެނީ މަނިޕޫރުގެ ކާމިޔާބު މޮޑެލްއެއް ކަމަށްވާ ލިން ލައިޝްރަމްއާއި ކަމަށް ރިޕޯޓްތައް ބުނެފިއެވެ.
މި ދެމީހުން ލޯބީގެ ގޮތުން ގުޅިގެން އުޅޭތާ މިހާރު ދުވަސްތަކެއް ވެއްޖެ ކަމަށާއި މީޑިއާއަށް މި ޚަބަރު ނުލިބުން ނަމަވެސް ރަންދީޕުގެ ރައްޓެހިންނަށް މިކަން އެނގޭ ކަމަށް ޚަބަރުތައް ބުނެއެވެ.
ލިން އަކީ "އޯމް ޝާންތި އޯމް" އާއި "ރަންގޫން" އަދި "މެރީ ކޯމް" ފަދަ ފިލްމްތަކުން ފެނިގެން ގޮސްފައިވާ ތަރިއެކެވެ.
ރަންދީޕް ވަނީ ލިންގެ އުފަންދުވަހުގެ ތަހުނީއާ ކިއުމަށް އިންސްޓަގްރާމްގައި މީގެ ދެމަހެއްހައި ދުވަސް ކުރިން ޕޯސްޓެއް ކޮށްފައެވެ.
View this post on Instagram
ރަންދީޕް މިހާތަނަށް އަދި ކައިވެންޏެއް ކޮށްފައެއް ނުވެއެވެ. ނަމަވެސް އޭނާ ވަނީ 2004 ވަނަ އަހަރު ސުޝްމީތާ ސެން އާއި ވަރަށް ސީރިއަސް ކޮށް ރައްޓެހިވެގެން އުޅެފައެވެ. މިގުޅުން ނިމުމަކަށް އައީ 2006 ވަނަ އަހަރުއެވެ.
އެ ގުޅުމާ ބެހޭގޮތުން ވާހަކަ ދައްކަމުން ރަންދީޕް ބުނެފައިވާ ގޮތުގައި އެ ގުޅުން ނިމުމަކަށް އައި ހިސާބުން ފެށިގެން އޭނާގެ ކެރިއަރަށް ވަރަށް ބޮޑެތި ރަނގަޅު ބަދަލު ތަކެއް އައި ކަމަށެއެވެ. އަދި އެގުޅުން ނިމުނު ދުވަހަކީ އޭނާގެ ދިރިއުޅުމުގައި އައި އެންމެ އުފާވެރި ދުވަސް ކަމަށް ވެސް ބުނެފައި ވެއެވެ.
