ދާއިރާގެ މެމްބަރަކީ ސަރުކާރު ހިންގާ ޕާޓީއަށް ނިސްބަތް ނުވާ މެމްބަރަކަށް ވުމަކީ، ރަތަފަންދޫއަަށް އިހުމާލުވާންވީ ސަބަބެއް ނޫންކަމުގައި ޓްރޭޑް ޔޫނިއަންގެ ނައިބް ރައީސް އަދި ކުރީގެ ގްރޭޓަރ މާލޭ އިންޑަސްޓްރިއަލް ޒޯން ލިމިޓެޑް ކުންފުނީގެ ބޯޑުގެ ޗެއަރމަން ސައުދުﷲ އަހުމަދު ވިދާޅުވެއްޖެއެވެ.
ރަތަފަންދޫގެ ފެނާއި ނަރުދަމާ އަދި އިންޖީނުގޭގެ މަސައްކަތް ހުއްޓުމަކަށް އައިސްފައިވާތާ 7 މަސްވެގެން ގޮސްފައިވާކަން ކަމަށް ވިދާޅުވެ، މިއަދު ކުރެއްވި ޓުވީޓެއްގައި ސައުދު ވިދާޅުވެފައިވަނީ، މިމަޝްރޫޢުތައް ކުރިޔަށް ގެންދިއުމަށްޓަކާ އުދަލިގަޑެއްހާ މިންވަރުވެސް އެރަށް އަރުވާފައި ނުވާކަމުގައެވެ. އަދި ސައުދު ވިދާޅުވީ ރަތަފަންދޫގެ ފެނާއި ނަރުދަމާ އަދި އިންޖީނުގޭގެ މަޝްރޫއަކީ އެރަށުގެ ރައްޔިތުންގެ ވަރަށްބޮޑު އުއްމީދެއް ކަމަށާއި، އެހެންނަމަވެސް މި މަސައްކަތައް ޑުބްލެކްސް ނަމަކަށް ކިޔާ ކުންފުންޏަކާ ހަވާލުކުރެވުނުތާ 7މަސް ވެގެން ގޮސްފައިވާއިރުވެސް މަސައްކަތްތަކަށް އަމަލީސިފައި އައިސްފައި ނުވުމުގެ ސަބަބުން މި ކުންފުންޏާއި މިމަސައްކަތް ހަވާލު ކޮށްގެން ދެން އިތުރަށް މަސައްކަތް ކުރިޔަށް ހިގައިދާނެކަމަށް މިހާރު ރަތަފަންދޫ ރައްޔިތުން ގަބޫލު ނުކުރާ ކަމުގައެވެ.
Gdh rathafandhoo ,fenaai narudhamaa adhi injeenuge masahkah huttifa ohnathaa ethah dhuvaheh.fenaai narudhamaa masahkah havaalu kuri fahun 7 mas vegen dhaa iru ekameh feshidhaane kamuge uhmeedhehves neh.mikamakee rathafandhoo rahyithunge varah bodu uhmeedheh.@faya_i @iameeru
— Saudulla Ahmed (@saudullaahmed1) March 20, 2022
ރަތަފަންދޫގެ ތަރައްގީއާއި ގުޅުންހުރި ފެނާއި ނަރުދަމާ އަދި އިންޖީނުގޭގޭ މަޝްރޫޢު ހުއްޓިފައިވާތާ 7 މަސްދުވަސް ފާއިތުވެގެން ގޮސްފައިވާތީ ހިންހަމަނުޖެހުން ފާޅުކޮށް، ސައުދު ވިދާޅުވެފައިވަނީ، މި މަސައްކަތްތަކަށް ވަކާލާތު ކުރާނެ މެމްބަރަކު ނެތުމަކީ ސަރުކާރުން ރަތަފަންދޫ ރައްޔިތުންނަށް އިހުމާލު ވާންވީ ސަބަބެއް ނޫން ކަމުގައެވެ.
ރަތަފަންދޫ ހިމެނޭ ފަރެސްމާތޮޑާ ދާއިރާގެ ރައްޔިތުންގެ މަޖިލިހުގެ މެމްބަރަކީ ހުސެއިން މުހައްމަދު ލަތީފެވެ. އޭނާ ނިސްބަތްވަނީ އިދިކޮޅު ޕީޕީއެމައަށެވެ.
