ސިފަ ހުތުރު ކަމަށް ބުނެ 50 އަށް ވުރެ ގިނަ ފިލްމުން ބޭރު ކުރި ކަަމަށް ހުނަރުވެރި ބަތަލާ ވިދްޔާ ބާލަން ބުނެފިއެވެ.
ވިދްޔާ މިހާރު އަންނަނީ އޭނާގެ ކުރިއަށް އޮތް ފިލްމް "ޖަލްސާ"ގެ ޕްރޮމޯޝަން ގައި ވަރަށް އަވަދި ނެތި އުޅެމުންނެވެ. އެގޮތުން ފިލްމުގެ ޕްރޮމޯޝަން އިވެންޓެއްގައި ވާހަކަ ދައްކަމުން ވިދްޔާ ވަނީ ފިލްމީ ދާއިރާއިން އޭނާއާ ކުރިމަތިވި ބައެއް ވާހަކަތައް ހިއްސާކޮށްފައެވެ.
އެގޮތުން އޭނާ ބުނެފައިވަނީ 50 އަށް ވުރެ ގިނަ ފިލްމުން އޭނާ ބޭރު ކުރީ ފަލަކަމަށާއި ހުތުރު ކަމަށް ބުނެ ކަމަށެވެ. އަދި އެކަމާ ގުޅިގެން ކުރި މަލާމާތާއި ފުރައްސާރައިގެ ސަބަބުން އަމިއްލަ ނަފްސުދެކެ ފޫހި ވި ކަމަށް ވިދްޔާ ވަނީ ބުނެފައެވެ.
އަދި މިކަންކަމުގެ ސަބަބުން އޭނާ 6 މަސްވަންދެން ލޯގަނޑެއް ފެންނަ ހިސާބަށް ނުގޮސް އުޅުން ކަމަށް ވަނީ ބުނެފައެވެ. އެއީ ވަރަށް ހިތްދަތި ދުވަސްތަކެއް ކަން އޭނާ ވަނީ ފާހަގަ ކޮށްފައެވެ.
އަދި ފިލްމުގެ ލީޑަށް ހަމަ ޖެއްސުމަށް ފަހު ވެސް އަންގާލުމެއްނެތި ބޭރުކޮށްފައި ވާކަމަށާއި އެގޮތަށް ކަންތަށް ކުރި ބަޔަކު 13 އަހަރު ފަހުން ފިލްމެއް ކުޅެދިނުމަށް ހުށައެޅި ކަމަށާއި، ނަމަވެސް އެ ފިލްމަށް ބުނީ ނޫނެކޭ ކަމަށް ވެސް ވިދްޔާ ވަނީ ބުނެފައެވެ.
ފިލްމު ޖަލްސާ ވަނީ އިއްޔެ އެމޭޒަން ޕްރައިމް ވީޑިއޯއިން ރިލީޒް ކޮށްފައެވެ. މި ފިލްމުގެ ލީޑުން ފެނިގެން ދަނީ ވިދްޔާ އާއި އެކުގައި ޝެފާލީ ޝާހެވެ.
