ދާދިފަހުން ކައިވެނި ކުރި ދެ އެކްޓަރުން ކަމުގައިވާ ވިކީ ކޯޝަލް އާއި ކެޓްރީނާ ކައިފް ވަނީ ކަރަން ޖޯހަރު ބޭއްވި ޕާޓީއަކުން ފެނިގެން ގޮސްފައެވެ.
އެއާއެކު އެންމެންގެ ލޮލުގައި އަޅައިގަތީ އޭނާ ލައިގެން ހުރި ހެދުމެވެ. ވަރަށް ސިންޕަލް، ނޫ ކުލައިގެ ކުރުކުރު ހެދުން އެންމެންނަަށް ވެސް ވަރަށް ކަމުދިޔައެވެ.
ދަރްމާ ޕްރޮޑަކްޝަންގެ ސީއީއޯ އަޕޫރްވާ މެހެތާއަށް 50 އަހަރު ފުރުން ފާހަގަކުރަން ކަރަން ޖޯހަރު ބޭއްވި ކުލަގަދަ ޕާޓީގައި އެތައް ތަރިންނެއް ބައިވެރިވިއެވެ. މި ހުރިހާ ތަރިންގެ ތެރެއިން ވެސް ގިނަ ލޯތައް އަމާޒުވީ ކެޓްރީނާގެ މި ހެދުމަށެވެ.
ވަރަށް އުފާވެރި ލޯބި ކަޕުލްއެއް ގޮތަށް އަތާއި އަތް ޖޯޑުކޮށްގެން މި ދެތަރިން އެޕާޓީއަށް ދިއަ އިރު ކެޓްރީނާގެ ހަށިގަނޑަށް ހިފާލައިފާވާ މި ހެދުމަކީ ލަގްޒަރީ ބްރޭންޑެއް ކަމަށްވާ "އެލެކްސް ޕެރީ"ގެ ހެދުމެކެވެ.
View this post on Instagram
1،100 ޑޮލަރުގެ އަގުހުރި މި ހެދުމުގެ އަގު ދިވެހި ރުފިޔާއިން ބަލަނީ ނަމަ އެއީ، 16،995ރ. ގެ އަގުހުރި ހެދުމެކެވެ. މި ހެދުމުގެ ސިންޕަލް ކަމާއި އެއްވަރަށް ކެޓްރީނާގެ މޭކަޕްވެސް ހުރީ ސިމްޕަލްކޮށް ވަރަށް ސާދާކޮށެވެ.
ވިކީ ހުރީ ބޮޑު މާގަނޑެއް އަތުގައި ޖަހާފައިވާ ކޯޓު ފަޓުލޫނެއް ލައިގެންނެވެ. ފުލް ބްލެކް ސޫޓެއް ގައި ވިކީވެސް ފެނިގެން ގޮސްފައިވަނީ ވަރަށް ހިތްގައިމު ގޮތަކަށެވެ.
