"ކަސޯޓީ ޒިންދަގީ 2″ އަދި "ކުމްކުމް ބާގްޔާ"އިން ފެނިގެން ގޮސްފައިވާ ޓީވީ ތަރި ޕޫޖާ ބެނާޖީއަށް އަންހެން ކުއްޖަކު ލިބިއްޖެއެވެ.
ޕޫޖާ ކައިވެނި ކޮށްފައިވަނީ 2017 ވަނަ އަހަރު މަޝްހޫރު ފެތުން ތެރިޔާ ސަންދީޕް ސޭޖްވާލާއެވެ. މިއީ މި ދެމީހުންގެ ވެސް އަލަތު ދަރިފުޅެވެ.
ޕުޖާ ވިހައިފައި ވަނީ ހޮނިހިރު ދުވަހުއެވެ. އޭނާ އަދިވެސް އޮތީ ހޮސްޕިޓަލުގައެވެ. އާއިލާއިން ބުނެފަިއވަނީ ދަރިފުޅާއި މަންމަގެ ހާލުވެސް ރަނގަޅު ކަމަށެވެ.
ޕުޖާ ބަނޑުބޮޑުކަން ހާމަކޮށްފައިވަނީ މިދިއަ އަހަރުގެ ނޮވެމްބަރު މަހުގެ ތެރޭގައެވެ. "ކުމްކުމް ބާގްޔާ" ގައި ރިއާގެ ރޯލުން ފެންނަ ޕޫޖާ ބެނާޖީ އެ ޝޯ ދޫކޮށްލަން ނިންމީ ވިހަން ކައިރިވެ ބަނޑަށް 8 މަސްވެސް ވީފަހުންނެވެ.
